Byggðarráð Borgarbyggðar

Mættir voru:

Aðalfulltrúar: Sveinbjörn Eyjólfsson

Bjarki Þorsteinsson

Finnbogi Rögnvaldsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagðar fundargerðir verkefnastjórnar um sameiningu Varmalandsskóla og Grunnskóla Borgarfjarðar frá 14. apríl og 11. maí 2010.

Rætt um fyrirhugaða uppbyggingu á hjúkrunarheimili við Dvalarheimili aldraðra í Borgarnesi. Framlögð drög að samningi á milli DAB og Borgarbyggðar vegna upbyggingarinnar.

Framlögð drög að samningi við Evu K. Þórðardóttur um útleigu á 347 fm. rými í mennta- og menningarhúsinu í Borgarnesi undir dansstúdíó. Jafnframt framlögð drög að samningi við Dansfélag Borgarfjarðar um húsnæðismál.

Byggðarráð samþykkti samningana.

Finnbogi lagði fram svohljóðandi bókun:

"Mikilvægt er að kostnaður við breytingar á húsnæði fari ekki fram úr fyrirliggjandi kostnaðaráætlun."

Framlögð stefna frá SÓ-húsbyggingum ehf. þar sem farið er fram á greiðslu skaðabóta vegna afturköllunar á úthlutun lóðar við Sólbakka í Borgarnesi.

Samþykkt að fela Inga Tryggvasyni hdl. að fara með málið fyrir hönd Borgarbyggðar.

Framlagt erindi frá félagi eldri borgara í Borgarfjarðardölum dags. 05.05.10 þar sem óskað er eftir stuðningi vegna félagsstarfa.

Samþykkt að fela sveitarstjóra að ræða við bréfritara.

Framlögð drög að útboðsgögnum vegna skólaaksturs í Borgarbyggð.

Samþykkt að fela skrifstofustjóra að vinna frekar með útboðsgögnin og leggja þau fyrir byggðarráð í næstu viku.

Framlagt bréf frá Ólöfu Guðbrandsdóttir formanni veiðifélagsins Flóku dags. 06.05.10 varðandi minkaveiði.

Lagt var fram minnisblað frá umhverfis- og landbúnaðarfulltrúa þar sem sótt er um heimild til að veiða mink í Borgarbyggð frá byrjun febrúar til loka október ár hvert.

Samþykkt að verða við beiðninni.

Rætt um ágreining um eignarhald á afréttalandi úr landi Króks í Norðurárdal.

Samþykkt að óska eftir minnisblaði frá Inga Tryggvasyni hdl um málið.

Vegna tengsla við aðila málsins vék Finnbogi af fundi meðan þessi liður var ræddur.

Á fundinn mætti Jökull Helgason forstöðumaður framkvæmdasviðs og gerði grein fyrir stöðu mála varðandi útboð á sorphirðu.

Rætt um áherslur í viðhaldi gatna í Borgarnesi.

Framlagður úrskurður Umhverfisráðuneytisins vegna kæru Umsjónarnefndar fólkvangsins í Einkunnum vegna ákvörðunar Umhverfisstofnunar um að hafna beiðni Borgarbyggðar um veitingu undanþágu frá reglugerð 583/2000.

Samþykkt að óska eftir að formaður umsjónarnefndar fólksvangsins í Einkunnum komi á fund byggðarráðs til að skýra málið.

Finnbogi lagði fram svohljóðandi bókun:

"Í ljósi leiðbeininga sem borist hafa frá embætti Sýslumannsins í Borgarnesi dreg ég bókun mína frá 153. fundi byggðaráðs 5. maí síðastliðnum til baka.
Fram kemur í erindi frá Sýslumannsembættinu að því ber að veita leifi til sinubruna hafi umsóknin fengið jákvæða umsögn umsagnaraðila sem oftast eru Búnaðarsamtök Vesturlands. Því skora ég á umsagnaraðila sem eru héraðsráðunautar (Búnaðarsamtök Vesturlands), náttúruverndarnefnd eða gróðurverndarnefnd (umhverfis- og landbúnaðarnefnd Borgarbyggðar) að veita framvegis ekki jákvæða umsögn þegar sótt er um leifi til að brenna sinu í sveitarfélaginu. Einnig skora ég á Alþingi og Umhverfisstofnun að banna sinubruna með lögum. Jafnframt verði gerðar viðeigandi breytingar á reglugerðum er fjalla um sinubruna."

Eftirtöldum erindum var vísað frá 60 fundi sveitarstjórnar til byggðarráðs

a) Aðalskipulag Eyja- og Miklaholshrepps

Byggðarráðs samþykkti að fela framkvæmdasviði að gera athugasemdir við sveitarstjórn Eyja- og Miklaholtshrepps varðandi aðalskipulagið.

b) Dalsmynnisland

Til staðar er samningur við Dalabyggð um auglýsingar á Samkomuhúsið við Dalsmynni. Því tekur byggðarráð undir afgreiðslu skipulags- og byggingarnefndar að hafna annarri beiðni um auglýsingu á húsið.

 

Á fundinn mætti Linda B. Pálsdóttir fjármálastjóri og gerði grein fyrir fjárhagsstöðu Borgarbyggðar fyrstu þrjá mánuði ársins 2010.

Lögð var fram kjörskrá Borgarbyggðar vegna sveitarstjórnarkosninganna sem fram fara 29. maí n.k.

Á kjörskrá eru 2.491.

Byggðarráð samþykkti kjörskrána.

Framlagður leigusamningur við Olgu Sigurðardóttur um leigu á aðstöðu fyrir slökkvilið Borgarbyggðar að Hraunbæ í Norðurárdal.

Byggðarráð samþykkti samninginn.

a. Fundargerð aðalfundar Menningarráðs Vesturlands 05.05.10 og stjórnarfundar 26.04.10.

b. Fundarboð á aðalfund Landkerfis Bókasafna

c. Fundargerð frá 7. fundi eldriborgara ráðs sem haldinn var 05.05.10.

d. Auglýsing um birtingu á lögreglusamþykkt fyrir Borgarbyggð í Stjórnartíðindum.

Fleira ekki gert.

Fundi slitið kl. 11,00