Byggðarráð Borgarbyggðar

Mættir voru:

Aðalfulltrúar: Bjarki Þorsteinsson

Ingibjörg Daníelsdóttir

Finnbogi Leifsson

Áheyrnarfulltrúi: Geirlaug Jóhannsdóttir

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Sveitarstjóri greindi frá stöðu mála varðandi endurskoðun á stjórnskipulagi Borgarbyggðar.

Jafnframt framlögð drög að bréfi til starfsmanna í ráðhúsi og Litla-Hvammi vegna fyrirspurnar þeirra um breytingar á stjórnsýslu sem sveitarstjórn samþykkti á síðasta fundi.

Lagt fram bréf frá formanni Ungmennasambands Borgarfjarðar dags. 21.10.10 þar sem lýst er áhyggjum formannafundar sambandsins vegna breytinga á málaflokki íþrótta- og æskulýðsmála hjá Borgarbyggð.

Framlagðar reglur um aukaframlag Jöfnunarsjóðs sveitarfélaga árið 2010 sem og yfirlit um úthlutun til sveitarfélaga árið 2010.

Rætt um vinnu við fjárhagsáætlun 2011.

Þar sem talsverð vinna er eftir við fjárhagsáætlunina var samþykkt að færa sveitarstjórnarfund frá 11. til 18. nóvember en þar verður fjárhagsáætlunin tekin til fyrri umræðu.

Framlagt erindi frá íþrótta- og æskulýðsfulltrúa vegna endurskoðunar á fjárhagsáætlun fyrir árið 2010.

Samþykkt að verða við erindinu og var því vísað til endurskoðunar fjárhagsáætlunar fyrir árið 2010.

Framlagt minnisblað sveitarstjóra vegna viðræðna við Guðstein Einarsson fulltrúa Uxahryggja ehf., en félagið vinnur að undirbúningi á tilboði heimamanna í fyrirtækið Límtré- Vírnet. Með erindi sem framlagt var í byggðarráði 16.09. 2010 hafði undirbúningshópur að stofun áðurnefnds félags óskað eftir stuðningi frá Borgarbyggðar vegna verkefnisins.

Byggðarráð samþykkti að veita framlag til félagsins allt að kr. 1.000.000 vegna undirbúningsvinnunnar og auk þess kr. 300.000 til stofnunar félagsins.

Framlagður tölvupóstur frá Sýslumanninum í Borgarnesi vegna uppboðs á fasteign í Borgarnesi.

Samþykkt að fela skrifstofustjóra að afla upplýsinga um kosti þess að nýta þjónustu innheimtufyrirtækja.

Framlagt bréf Neista, félags slökkviliðsmanna í Borgarbyggð dags. 17.10.10 varðandi æfingar slökkviliðs Borgarbyggðar.

Á fundinn mættu Kristján Andrésson, Þorsteinn Eyþórsson og Jón Sigurðsson frá Neista til viðræðna við byggðarráð.

Jökull Helgason forstöðumaður framkvæmdasviðs sat fundinn meðan þessi liður var ræddur.

Samþykkt að vísa erindi félagsins til gerðar fjárhagsáætlunar 2011.

Framlagt bréf Vegagerðarinnar dags. 18.10.10 varðandi framkvæmdaleyfi fyrir endurbyggingu Snæfellsvegar og gerð nýrrar brúar yfir Haffjarðará.

Á fundinn mætti Magnús Valur Jóhannsson svæðisstjóri norðvestursvæðis Vegagerðarinnar til viðræðna um málið.

Byggðarráð samþykkti að sækja um framkvæmdaleyfi fyrir framkvæmdinni með fyrirvara um meðmæli Skipulagsstofnunar. Forstöðumanni framkvæmdasviðs var falið að senda erindi til Umhverfisráðuneytisins og annarra umsagnaraðila.

Rætt um óseldar sumarhúsalóðir í eigu Borgarbyggðar í Syðri-Hraundal.

Samþykkt að láta meta verð lóðanna og auglýsa þær til sölu.

Framlagt erindi frá verkefnisstjóra eignasjóðs vegna breytinga á inngangi við mennta- og menningarhúsið sem er aðallega notaður fyrir nemendur í dansskóla.

Samþykkt að verða við erindinu.

Einnig var framlagt erindi frá verkefnisstjóra eignasjóðs um uppgerð á skólastofu í Grunnskóla Borgarfjarðar á Kleppjárnsreykjum.

Samþykkt að vísa erindinu til fjárhagsáætlunar 2011.

Framlagt erindi frá Íslenska leigufélaginu þar sem óskað er eftir að Borgarbyggð innleysi lóðirnar að Kvíaholti 29 og 31.

Framlagt minnisblað skrifstofustjóra um málið.

Samþykkt að innleysa lóðirnar.

Framlögð dagskrá ársfundar Umhverfisstofnunar og náttúruverndarnefndar sveitarfélaga sem haldinn verður í Borgarnesi 29.10.10.

Geirlaug ítrekaði óskir um að boðað verði til fundar með heilbrigðisráðherra um læknamál á Vesturlandi. Einnig óskaði hún eftir upplýsingum um áhrif niðurskurðar á fjárlögum á löggæslumál í héraðinu.

a. Fundarboð á félagsfund í Veiðifélagi Gljúfurár 01.11.10.

Samþykkt að Ingibjörg Daníelsdóttir verði fulltrúi Borgarbyggðar á fundinum.

b. Fundargerð frá 80. fundi í stjórn Faxaflóahafna

c. Fundargerð frá fundi í fulltrúaráði Fjölbrautarskóla Vesturlands á Akranesi 13.10.10.

d. Fundarboð á félagsfund í Veiðifélagi Norðurár 05.11.10 ásamt fundargerð aðalfundar félagsins 07.05.10.

Samþykkt að Kristján Axelsson formaður afréttarnefndar Þverárréttarupprekstrar verði fulltrúi Borgarbyggðar á fundinum.

Fleira ekki gert.

Fundargerðin upplesin og samþykkt samhljóða.

Fundi slitið kl. 12,00.