Byggðarráð Borgarbyggðar

Mætt voru:

Aðalfulltrúar: Bjarki Þorsteinsson

Finnbogi Leifsson

Ingibjörg Daníelsdóttir

Áheyrnarfulltrúi: Geirlaug Jóhannsdóttir

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlagt erindi frá Icefitness ehf. þar sem óskað er eftir stuðningi við Skólahreysti árið 2011.

Samþykkt með 2 atkv að styrkja ekki verkefnið að þessu sinni. FL sat hjá við atkvæðagreiðslu.

Á fundinn mættu Ásthildur Magnúsdóttir fræðslustjóri og Hjördís Hjartardóttir félagsmálastjóri til viðræðna um minnisblað um áhrif efnahagsþrenginga á velferð íbúa í Borgarbyggð, en minnisblað var lagt fram á síðasta fundi byggðarráðs.

Fræðslustjóri ræddi um kostnað við breytingar á mötuneytum í grunnskólum Borgarbyggðar.

Samþykkt að heimila skólastjóra Grunnskóla Borgarfjarðar að auglýsa eftir matráði við starfsstöðina á Varmalandi.

Framlagt minnisblað umhverfis- og landbúnaðarfulltrúa dags. 25.05.11 um söfnunarsvæði og kurlun.

Samþykkt að fela umhverfis- og skipulagssviði að ræða við fulltrúa Íslenska gámafélagsins um málið.

Framlagt minnisblað skrifstofustjóra um skipulag á innheimtumálum hjá Borgarbyggð.

Geirlaug lagði til að milliinnheimta og lögfræðiinnheimtu sveitarfélagsins verði boðin út.

Tillagan var felld með 2 atkv. Finnbogi sat hjá.

Á fundinn mætti Jökull Helgason forstöðumaður umhverfis- og skipulagssviðs og kynnti verðkönnun sem gerð var á áhaldahúsverkum.

Samþykkt að fela Jökli að ganga til samninga við þann aðila sem var með lægsta heildarverðið.

Rætt um aðgerðaráætlun Orkuveitu Reykjavíkur.

Samþykkt að fela sveitarstjóra að leggja fram minnisblað á næsta fundi byggðarráðs.

Framlagt erindi frá skólastjóra Grunnskólans í Borgarnesi þar sem farið er fram á hækkun á fjárveitingu til skólans til að mæta aukinni þörf fyrir sérkennslu og stuðning á yngsta stigi skólans.

Vísað til fræðslunefndar.

Framlagður samningur við Skógræktarfélag Íslands og Skógræktarfélag Borgarfjarðar um atvinnuátak í Borgarbyggð.

Byggðarráð samþykkti samninginn.

Framlagt erindi frá formanni afréttarnefndar Þverárréttarupprekstrar þar sem óskað er eftir fjárveitingu vegna framkvæmda við hestahús við leitarmannaskála Þverhlíðinga.

Byggðarráð hafnar því að farið verði í þessar framkvæmdir á árinu þar sem ekki er gert ráð fyrir þeim á fjárhagsáætlun ársins. Sveitarstjóra var falið að ræða við formanna afréttarnefndarinnar um málið.

Rætt um kaup Borgarbyggðar á stofnfé í Háskólanum á Bifröst.

Samþykkt að fela sveitarstjóra að vinna áfram að málinu.

Á fundinn mætti Vífill Karlsson formaður stjórnar MB og greindi frá viðræðum skólans um þjónustusamning við mennta- og menningarráðuneytið. Í drögum að samningi kemur fram að óskað er yfirlýsingar Borgarbyggðar um ábyrgð á 20% af útgjöldum skólans.

Samþykkt að óska eftir fundi fulltrúa Borgarbyggðar með mennta- og menningaráðherra.

Samþykkt að óska eftir upplýsingum frá endurskoðendum um áhrif ábyrgðarinnar í ársreikningi Borgarbyggðar.

Framlagt erindi frá Ingveldi Ingibergsdóttur þar sem óskað er eftir að jörðinni Rauðanes 3 verði skipt og stofnað verði nýtt lögbýli út úr jörðinni sem hefur nafnið Hrísnes.

Samþykkt að vísa erindinu til umhverfis- og skipulagsnefndar.

Byggðarráð Borgarbyggðar sendir góðar kveðjur til íbúa á því svæði sem áhrif gosins í Grímsvötnum hafa orðið hvað mest.

Björgunarsveitarmenn úr Borgarfirði og nemendur Landbúnaðarháskólans á Hvanneyri hafa veitt aðstoð á svæðinu og þakkar byggðarráð þessum aðilum fyrir þeirra framlag.

a. Fundargerð frá 87. fundi stjórnar Faxaflóahafna.

Fleira ekki gert.

Fundargerðin upplesin og samþykkt samhljóða.