Byggðarráð Borgarbyggðar

Mætt voru:

Aðalfulltrúar: Bjarki Þorsteinsson

Ingibjörg Daníelsdóttir

Geirlaug Jóhannsdóttir

Vara áheyrnarfulltrúi: Finnbogi Leifsson

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Framlögð tilkynning frá Sýslumanninum í Borgarnesi um friðlýsingu æðarvarps á jörðunum Hjörsey 1 og 2 í Borgarbyggð.

Framlagt erindi frá Sigríði J. Brynleifsdóttur, Ásu Hlín Svavarsdóttur og Helgu Georgsdóttur varðandi akstur á milli Borgarness og Hvanneyrar í skóla og frístundir.

Samþykkt að vísa erindinu til tómstundanefndar og fræðslunefndar.

Á fundinn mætti Jökull Helgason forstöðumaður umhverfis- og skipulagssviðs til viðræðna um fyrirliggjandi gögn vegna verðkönnunar á snjómokstri.

Byggðarráð samþykkti það fyrirkomulag sem Jökull lagði til að verði viðhaft og var Jökli falið að framkvæma verðkönnunina.

Framlagt minnisblað frá Sambandi íslenskra sveitarfélaga um áhrif nýrra sveitarstjórnarlaga á stjórnsýslu sveitarfélaga.

Samþykkt að fela sveitarstjóra að setja af stað vinnu við endurskoðun á samþykkt um stjórn og fundarsköp Borgarbyggðar í samræmi við lögin.

Framlögð erindi vegna stofnunar lóða í Borgarbyggð:

a. Bergþór Kristleifsson og Hrefna Sigmarsdóttir sækja um stofnun lóðar úr landi Húsafells 3. Önnur lóðin er 1.840 m² og heitir Stuttárbotnar 8 og hin er 1.517 m² að stærð og heitir Stuttárbotnar 9.

Byggðarráð samþykkti að lóðirnar verði stofnaðar.

b. Sávarútvegs- og landbúnaðarráðuneytið sækir um breytingu á lóðarstærð og stofnun lóðar úr jörðinni Álftártungu í Borgarbyggð. Lóðin var 3.000 m² að stærð en minkar í 1.490 m² en ný 1.510 m² lóð stofnuð og ber hún heitið Oddaholt.

Byggðarráð samþykkti breytingu á stærð lóðarinnar og stofnun nýrrar.

Baldur Tómasson byggingafulltrúi sat fundinn meðan þessi liður var ræddur.

Framlagt minnisblað varðandi erindi frá Lyfjastofnun þar sem farið er fram á umsögn sveitarstjórnar um ósk Lyfju að stytta opnunartíma lyfjabúðar í Borgarnesi. Í breytingunni felst að búðin opni virka daga kl.10.00 í stað kl. 09.00.

Að höfðu samráði við Heilbrigðisstofnun Vesturlands gerir byggðarráð ekki athugasemdir við að opnunartímanum verði breytt í samræmi við erindið.

Framlagt minnisblað frá framkvæmdasviði varðandi lóðina Fitjar 2 í Borgarnesi.

Samþykkt með 2 atkv að úthluta lóðinni til Bílasölunnar Geisla. 1 (GJ) sat hjá.

Rætt um þátttöku Borgarbyggðar í verkefninu skólavogin.

Byggðarráð samþykkti að lýsa yfir vilja til að taka þátt í verkefninu með þeim fyrirvara að mikill meirihluti sveitarfélaga taki þátt í verkefninu.

Á fundi mætti Inga Vildís Bjarnadóttir félagsráðgjafi og lagði fram og kynnti drög að forvarnarstefnu Borgarbyggðar.

Byggðarráð samþykkti forvarnarstefnuna og að heiti hennar breytist í Forvarnarstefna Borgarbyggðar í málefnum barna, unglinga og ungmenna.

Inga Vildís kynnti plaköt sem verið er að gefa út varðandi bann við tóbaksnotkun í og við íþróttamannvirki.

Samþykkt að fela tómstundanefnd að endurskoða reglur um tóbaksnotkun í og við mannvirki í eigu sveitarfélagsins.

Framlagt minnisblað Guðmundar Páls Jónssonar forstöðumanns um starfsemi Fjöliðjunnar í Borgarnesi og á Akranesi.

Samþykkt að óska eftir umsögn velferðarnefndar um fyrirkomulag á rekstri Fjöliðjunnar.

Á fundinn mætti Einar G. Pálsson fjármálafulltrúi.

Rætt um endurskoðun fjárhagsáætlunar ársins 2011.

Framlagt minnisblað frá KPMG vegna breytinga á láni 9205 hjá Arion-banka.

Samþykkt tillaga að skiptingu fjárveitinga niður á málaflokka í fjárhagsáætlun fyrir árið 2012.

Bjarki vék af fundi eftir afgreiðslu þessa liðar og tók Ingibjörg við stjórn fundarins.

Fjármálafulltrúi lagði fram yfirlit um rekstur málaflokka fyrstu 8 mánuði ársins 2011.

Rætt um ýmsa þætti í rekstrinum og var samþykkt að beina því til tómstundanefndar að leita leiða til að auka tekjur íþróttamiðstöðva í Borgarbyggð.

Samþykkt var að næsti fundur byggðarráðs verði þriðjudaginn 11. október kl. 18,00 og næsti fundur sveitarstjórnar verði þriðjudaginn 18. október kl. 16,00.

Fleira ekki gert.

Fundargerðin upplesin og samþykkt samhljóða.

Fundi slitið kl. 12,05.