Byggðarráð Borgarbyggðar

Mætt voru:

Aðalfulltrúi: Bjarki Þorsteinsson

Varafulltrúar:Ragnar Frank Kristjánsson

Jóhannes F. Stefánsson

Áheyrnarfulltrúi: Sigríður G. Bjarnadóttir

Sveitarstjóri: Páll S. Brynjarsson

Skrifstofustjóri: Eiríkur Ólafsson sem ritaði fundargerð

Eftirfarandi var tekið fyrir:

Rætt um lánasamning við Orkuveitu Reykjavíkur vegna láns að upphæð kr. 75.000.000 í samræmi við aðgerðaráætlun OR.

Samþykkt að fela sveitarstjóra að vinna áfram að málinu.

Á 16. fundi stjórnar Borgarfjarðarstofu var samþykkt áskorun til sveitarstjórnar um að farið verði í atvinnuátak sumarið 2012 í samstarfi við Vinnumálastofnun og fleiri aðila líkt og gert hefur verið undanfarið. Eftirtaldir aðilar hafa óskað eftir aðkomu að slíku verkefni; Safnahús Borgarfjarðar, landbúnaðarnefnd Borgarbyggðar vegna átaks í refa- og minkaveiðum, Golfklúbburinn Glanni og Skógræktarfélag Borgarfjarðar.

Sveitarstjóra var falið að taka saman frekari upplýsingar um verkefnið.

Framlögð drög að erindisbréfi fyrir vinnuhóp sem um endurskoðun á skipulagi sorphirðu í Borgarbyggð. Í hópnum verða fimm fulltrúar, skipaðir af byggðarráði.

Byggðarráð samþykkti erindisbréfið.

Rætt um gjaldskrár félagsheimila sem að öllu eða að hluta eru í eigu Borgarbyggðar.

Byggðarráð ítrekar fyrri bókun sem var að félagsheimilin skuli miða við þá gjaldskrá sem Borgarfjarðarstofa lagði til að yrði notuð.

Framlögð tillaga að breytingu á innkaupareglum Borgarbyggðar, auk þess sem framlögð var tillaga að skipun innkauparáðs.

Byggðarráð samþykkti breytingar á innkaupareglum og var samþykkt að Einar Pálsson fjármálafulltrúi, Steinunn Baldursdóttir fræðslustjóri og Jökull Helgason forstöðumaður umhverfis- og skipulagssviðs verði í innkauparáði.

Framlagt minnisblað frá KPMG vegna uppgjörs á fjallskilasjóðum og framlögum aðalsjóðs til fjallskilasjóða.

Samþykkt að óska eftir frekari upplýsingum fyrir næsta fund byggðarráðs.

Framlögð umsögn velferðarnefndar vegna erindis frá 219. fundi byggðarráðs um félagsstarf aldraðra og öryrkja.

Í ljósi umsagnar velferðarnefndar telur byggðarráð ekki fært að fara í verkefnið að þessu sinni.

Jafnframt er framlögð umsögn nefndarinnar um þjónustukönnun fyrir Borgarbyggð.

Framlagðar fundargerðir frá 6. og 7. fundi í vinnuhópi um sameiningu og endurskoðun á fjallskilasamþykktum.

Framlagðar eftirtaldar umsóknir um stofnun lóða í Borgarbyggð:

a.Umsókn um stofnun lóðarinnar Hlíðarklettur úr landi Hurðarbaks í Reykholtsdal, en lóðin er 1,12 hektarar og er undir einbýlishús.

b.Umsókn um stofnun lóða og frágangur vegna landspildu Seláss úr Ánabrekkulandi, en óskað er eftir að skipta umræddri lóð upp í fjórar lóðir.

Byggðarráð samþykkti að lóðirnar verði stofnaðar.

Framlagt minnisblað um sölu eigna í eigu Borgarbyggðar.

Framlagt erindi frá Lex lögmannsstofu f.h. eigenda að Bjargi 2 í Borgarbyggð dags. 14.02.12 þar sem óskað er eftir viðræðum við Borgarbyggð um bótagreiðslur þar eð hluti af hringtorgi við þjóðveg 1 er inn á landi Bjargs 2.

Samþykkt að fela Inga Tryggvasyni hdl. að svara bréfritara.

Framlögð umsögn frá Búnaðarsamtökum Vesturlands vegna stofnunar lögbýlis á Stafholtsveggjum 2 í Borgarbyggð.

Byggðarráð gerir ekki athugasemdir við að lögbýli verði stofnað.

Framlögð umsögn landbúnaðarnefndar um verkefnið Bændur græða landið, en landgræðslan óskaði eftir stuðningi sveitarfélagsins við verkefnið.

Samþykkt með 2 atkv að styrkja verkefnið um kr. 100.000,- JFS sat hjá við atkvæðagreiðslu.

Framlögð skýrsla vinnuhóps um húsnæðismál grunnskóla í Borgarbyggð.

Byggðarráð samþykkti að sett verði upp brunaviðvörunarkerfi í Grunnskólanum í Borgarnesi og Grunnskóla Borgarfjarðar á Varmalandi og Hvanneyri og skal verkinu vera lokið fyrir byrjun næsta skólaárs. Verkið verður fjármagnað með sölu eigna á árinu 2012.

Samþykkt var vísa skýrslu vinnuhópsins til sveitarstjórnar.

Framlagt bréf frá Samtökum sveitarfélaga á Vesturlandi þar sem óskað er eftir að Borgarbyggð tilnefni fulltrúa í nefnd á vegum SSV um almenningssamgöngur á Vesturlandi.

Samþykkt að sveitarstjóri verði fulltrúi Borgarbyggðar í nefndinni.

Ragnar vék af fundi.

Á fundinn mætti Kolfinna Jóhannesdóttir skólameistari MB til viðræðna um starfsemi skólans.

Á fundinn mætti Guðrún Jónsdóttir forstöðumaður Safnahúss Borgarfjarðar til viðræðna um starfsemi hússins og fjármögnun sýninga.

Í máli Guðrúnar kom fram að fé skortir til að setja upp sýningu náttúrgripasafns og að Menningarráð Vesturlands hefur hafnað þeim umsóknum sem komið hafa frá Safnahúsinu undanfarin tvö ár og var því vísað til Borgarfjarðarstofu að óska frekari upplýsinga frá Menningarráðinu.

Samþykkt var að Ingibjörg Jónasdóttir taki sæti Halldóru Lóu Þorvaldsdóttur sem varamaður í stjórn Dvalarheimilis aldraðra í Borgarnesi.

a. Fundargerð frá 169. fundi stjórnar Orkuveitu Reykjavíkur.

b. Fundargerð frá 95. fundi stjórnar Faxaflóahafna.

c. Yfirlit yfir uppgjör framlaga úr Jöfnunarsjóði sveitarfélaga árið 2011.

d. Ályktun kirkjuþings 2011

e. Fundargerð frá félagsfundi í Veiðifélagi Norðurár.

f. Bréf frá Rarik varðandi götulýsingu.

Fleira ekki gert.

Fundargerðin upplesin og samþykkt samhljóða.

Fundi slitið kl. 11,15.