Byggðarráð Borgarbyggðar

Framlögð beiðni um stofnun 1.585 ferm lóðar út úr landi Miðgarðs landnr. 134912 fyrir frístundahús.

Byggðarráð samþykkti beiðnina.    

Framlagt bréf Eignarhaldsfélags Brunabótafélags Íslands dags. 22.05."12 varðandi umsóknir í styrktarsjóð EBÍ.

Samþykkt að fela sveitarstjóra að sækja um styrk úr sjóðnum.

Á fundinn mætti Björg Gunnarsdóttir umhverfis- og landbúnaðarfulltrúi til viðræðna um refa- og minkaveiði í Borgarbyggð.

Samþykkt að heimila aukafjárveitingu að upphæð kr. 150.000 til veiðanna.

Jóhannes sat hjá við atkvæðagreiðslu.

Framlögð beiðni Ástríðar Einarsdóttur starfsmanns við Grunnskóla Borgarfjarðar dags. 20.05."12 þar sem óskað er eftir ársleyfi frá störfum.  

Samþykkt að óska eftir frekari upplýsingum.

Á fundinn mætti Reynir Sævarsson frá verkfræðistofunni Eflu og kynnti stöðu mála varðandi undirbúning ísgangna í Langjökli.

Björg Gunnarsdóttir umhverfis- og landbúnaðarfulltrúi sat fundinn meðan þessi liður var ræddur.  

Á fundinn mættu Helga Halldórsdóttir og Sigursteinn Sigurðsson frá Neðribæjarsamtökunum til viðræðna um Brákarey.

Lagt var fram minnisblað frá umhverfis- og skipulagssviði um aðgerðir til að fegra umhverfi Brákareyjar.

Samþykkt að Borgarbyggð taki þátt í tiltekt í Brákarey með Neðribæjarsamtökunum og var sveitarstjóra falið að semja við körfuboltadeild umf Skallagríms um málun á húseignum Borgarbyggðar í eynni.

Umhverfis- og landbúnaðarfulltrúi sat fundinn meðan þessi liður var ræddur.

Bjarki tók ekki þátt í afgreiðslu málsins vegna tengsla við aðila þess.

Framlagt minnisblað frá umhverfis- og framkvæmdasviði um nýframkvæmdir sumarið 2012.

Framlagt bréf frá Velferðarráðuneytinu dags. 23.05."12 varðandi búnaðarkaup vegna hjúkrunarheimila með tillögu að hlutdeild ráðuneytisins í kostnaði við búnaðarkaup.

Byggðarráð getur fallist á þær tillögur sem fram koma í bréfinu en vekur athygli á að Borgarbyggð hefur lagt áherslu á að eignarhald hjúkrunarheimilisins geti færst til Dvalarheimilis aldraðra.

Framlagt fundarboð á aðalfund Símenntunarmiðstöðvar Vesturlands sem fram fer í Borgarnesi 31. maí n.k.

Framlagt fundarboð á ársfund Byggðastofnunar sem fram fer 01. júní n.k. í Miðgarði í Skagafirði.

Framlagt bréf frá Saman-hópnum dags. 23.05."12 þar sem minnt er á starfsemi og markmið hópsins.

Samþykkt að vísa erindinu til forvarnarfulltrúa.

Framlagðar fundargerðir byggingarnefndar hjúkrunarálmu Dvalarheimilis aldraðra í Borgarnesi frá 02.05., 09.05., 16.05. og 25.05. 2012.

Framlagðar fundargerðir frá vinnuhópi um almenningssamgöngur á Vesturlandi dags. 14.03."12 og 23.05."12.