Byggðarráð Borgarbyggðar

Framlögð greinargerð frá KPMG um skuldaviðmið Borgarbyggðar. Þar kemur fram að skuldaviðmið sveitarfélagsins er 146.3% og uppfyllir því Borgarbyggð viðmið sveitarstjórnarlaga um skuldsetningu sveitarfélaga.
Byggðarráð samþykkti að fela sveitarstjóra að svara Eftirlitsnefnd með fjármálum sveitarfélaga í samræmi við greinargerð KPMG.

Framlögð drög að leigusamningi við Skotfélag Borgarfjarðar um leigu í Brákarbraut 25.
Á fundinn mætti Kristján Finnur Kristjánsson verkefnisstjóri eignasjóðs til viðræðna um málið.
Byggðarráð samþykkti samninginn með fyrirvara um að öllum öryggiskröfum sé fullnægt.
Samþykkt var að fela Kristjáni Finni að halda áfram samningaviðræðum við aðra leigutaka.

Framlögð fyrirspurn frá Fornbílafélagi Borgarfjarðar um frekari afnot af húsnæði Borgarbyggðar að Brákarbraut 25 í Borgarnesi.
Samþykkt að byggðarráð heimsæki Fornbílafélagið í aðstöðu félagsins í Brákarey.

Á fundinn mættu Guðmundur Sigurðsson og Pétur Davíðsson úr Búfjáreftirlitsnefnd á svæði 5 til viðræðna um gjaldskrá fyrir svæðið.

Framlögð drög að skiptingu tekna á milli málaflokka fyrir árið 2013.
Einnig voru framlagðar þróunaráætlanir frá stofnunum fyrir árið 2013.
Framlögð var tillaga að viðauka við fjárhagsáætlun 2012.
Vísað til afgreiðslu sveitarstjórnar.

Rætt um atvinnumál.
A fundinn mætti Sigurður Guðmundsson rekstrarstjóri Hyrnunnar í Borgarnesi.
Samþykkt að fela sveitarstjóra að afla frekari upplýsinga um breytingar á rekstri Hyrnunnar.

Framlagt erindi frá Grímshúsfélaginu þar sem óskað er eftir að Borgarbyggð kaupi bækur af félaginu um útgerðarsögu Borgfirðinga.
Samþykkt að kaupa bækur af félaginu fyrir um 200 þús og verður kostnaðurinn tekinn af lið 21-750 í fjárhagsáætlun.

Á fundi tómstundanefndar var lagt til að Borgarbyggð myndi veita fjármagni til ráðningar á verkefnastjóra vegna vinnu við stefnumótun í íþróttastarfi.
Samþykkt að Borgarbyggð veiti einni milljón króna í þetta verkefni á árinu 2012.
Kostnaðurinn verður tekinn sem viðauki við fjárhagsáætlun.
Einnig var samþykkt að fela fræðslustjóra og félagsmálastjóra að gera tillögu að framkvæmd könnunar á þátttöku barna og ungmenna í íþrótta- og æskulýðsstarfi í Borgarbyggð.

Framlagðir voru fjallskilaseðlar í Borgarbyggð 2012.

Rætt um fjárveitingar til fjallskilamála.
Fjallskilasjóður Álftaneshrepps hefur óskað eftir fjárveitingu að upphæð kr. 40.000 vegna smölunar á landi Borgarbyggðar.
Samþykkt að fela afréttarnefnd Álftaneshrepps að sjá um að land Borgarbyggðar á Álfthreppingaafrétti verði smalað og að kostnaður verði viðbót við fjárhagsáætlun.
Einnig hefur verið umræða um að hækka framlag til Fjallskilasjóðs Kolbeinsstaðarhrepps.
Samþykkt að óska eftir upplýsingum um kostnað við rekstur fjallskilasjóðs Kolbeinsstaðahrepps.

Framlagt bréf frá Aðalbjörgu Þórólfsdóttur og Ingunni Alexandersdóttur dags. 04.09."12 vegna tómstundaaksturs í Borgarbyggð.
Samþykkt að láta gera könnun á áhuga barna í Laugagerðisskóla að notfæra sér íþrótta- og tómstundastarf í Borgarnesi.

Framlagt erindi um heimild til sveitarstjóra að framselja umboð til fjárhagslegrar umsýslu til skrifstofustjóra og fjármálafullrúa í samræmi við 55. grein nýrra sveitarstjórnarlaga.
Byggðarráð samþykkti erindið.

Framlögð fundargerð vinnuhóps um skipulag refa- og minkaveiði frá 31.08."12.

Framlögð fundargerð frá 174. fundi stjórnar Orkuveitu Reykjavíkur frá 14.06."12.