Byggðarráð Borgarbyggðar

Lögð fram umsögn Ingu Vildísar Bjarnadóttur forvarnafulltrúa vegna beiðni Saman-hópsins um fjárstuðning.
Samþykkt að styrkja verkefnið um kr. 30.000

Rætt um gerð deiliskipulag miðsvæðis Borgarness en á fundi sveitarstjórnar 14. febrúar var málinu vísað til byggðarráðs.
Samþykkt að fela sveitarstjóra að gera erindisbréf fyrir vinnuhóp sem kemur til með að halda utan um verkefnið.

Rætt um breytingu á deiliskipulagi gamla miðbæjarins í Borgarnesi en á fundi sveitarstjórnar 14. febrúar var málinu vísað til byggðarráðs.
Samþykkt að fela umhverfis- og skipulagssviði að gera tillögu að vinnuferli við deiliskipulagsbreytinguna.

Rætt um viðgerðir og viðhald á Skallagrímsvelli en á fundi sveitarstjórnar 14. febrúar var málinu vísað til byggðarráðs.
Samþykkt að fela tómstundanefnd að vinna áfram að málinu.

Á fundinn mætti Kristján Finnur Kristjánsson verkefnastjóri eignasjóðs.
Lagt fram tilboð Nýverks í klæðningu fyrir rennihurðir á geymslu slökkvistöðvarinnar á Sólbakka.
Samþykkt að vísa verkefninu til gerðar fjárhagsáætlunar 2014.

Lögð fram fundargerð framhaldsfélagsfundar í Veiðifélagi Gljúfurár sem haldinn var 9. febrúar s.l.

Lagt fram erindi frá Fræðslu og forvörnum dags. 08.02."13 þar sem óskað er eftir 150.000 kr styrk frá Borgarbyggð vegna útgáfu forvarnabókarinnar.
Samþykkt að taka ekki þátt í verkefninu að þessu sinni.

Lögð fram rekstraráætlun fyrir Þyngslalöpp ehf og rætt um umsókn fyrirtækisins vegna opnunar sýningar í Englendingavík.
Byggðarráð samþykkti að leigja eldra pakkhúsið í Englendingavík.
Óskað er eftir tillögu og kostnaðaráætlun frá Safnahúsi Borgarfjarðar um mögulega sýningu í húsinu.
Afgreiðslu á styrkbeiðni var frestað.

Lagt fram bréf UMFÍ dags. 07.02."13 þar sem auglýst er eftir umsóknum frá sambandsaðilum um að taka að sér undirbúning og framkvæmd 28. Landsmóts UMFÍ 2017 og 29. Landsmóts UMFÍ 2021.
Byggðarráð hvetur UMSB til að sækja um að halda landsmót.

Lagt fram bréf UMFÍ dags. 07.02."13 þar sem auglýst er eftir umóknum frá sambandsaðilum um að taka að sér undirbúning og framkvæmd 19. Unglingalandsmóts UMFÍ sem haldið verður um verslunarmannahelgina 2016.
Byggðarráð hvetur UMSB til að sækja um að halda landsmót.

Lagt fram bréf UMFÍ dags. 07.02."13 þar sem auglýst er eftir umsóknum frá sambandsaðilum um að taka að sér undirbúning og framkvæmd 5. Landsmóts UMFÍ 50+ árið 2015.
Byggðarráð hvetur UMSB til að sækja um að halda landsmót.

Lögð fram drög að samþykkt um meðhöndlun úrgangs í Borgarbyggð með þeim breytingum sem umhverfis- og skipulagsnefnd lagði til að gerðar yrðu á 6. greininni á fundi sínum 11. febrúar síðastliðinn.
Byggðarráð samþykkti drögin með áorðnum breytingum.

Byggðarráð bendir á mikilvægi þess að íbúum í þéttbýli sé kynnt enn frekar hvernig og hverjir séu kostir þess að sorp sé flokkað.

Lagt fram bréf, dagsett 18. febrúar 2013, frá Björgu Gunnarsdóttur umhverfis- og landbúnaðarfulltrúa um umhirðu í Einkunnum.
Björg mætti á fundinn til viðræðna um verkefnið.
Byggðarráð heimilaði umsjónarnefnd Einkunna að ráða aðila til að sjá um umhirðu í Einkunnum sem tilraunaverkefni í sumar. Kostnaður verði ekki meiri en kr 100.000

Lagt fram fundarboð á aðalfund Lánasjóðs sveitarfélaga ohf sem haldinn verður 15. mars n.k. í Reykjavík.
Samþykkt að Páll S. Brynjarsson sveitarstjóri verði fulltrúi Borgarbyggðar á fundinum.

Á fundinn mætti Einar G. Pálsson fjármálafulltrúi og lagði fram fjárstreymisáætlun fyrir árið 2013.
Samþykkt að gera breytingar á lánum í samræmi við tillögur fjármálafulltrúa sem gerir ráð fyrir meiri niðurgreiðslu lána en gert er ráð fyrir í fjárhagsáætlun sem nemur um 100 millj. kr.

Lagt fram bréf Byggingarnefndar Brákarhlíðar dags. 19.02."13 vegna bókunar sem lögð var fram í sveitarstjórn Borgarbyggðar 14.02."13 um eftirlit með byggingu hjúkrunarálmu.
Samþykkt var að óska eftir að haldinn verði sameiginlegur fundur byggðarráðs og byggingarnefndarinnar.

Lögð voru fram drög að samningi um að Brákarhlíð taki að sér rekstur hjúkrunarálmunnar.

Bjarki vék af fundi meðan að þessi liður var ræddur.

Rætt um starf byggingarfulltrúa en núverandi starfsmaður er að láta af störfum.
Einnig var rætt um önnur starfsmannamál.

Sveitarstjóri greindi frá umræðum á eigendafundi um gjaldskrá fráveitu.
Samþykkt að óska eftir að forstjóri og stjórnarformaður Orkuveitunnar komi á næsta fund byggðarráðs.

Lagt fram bréf Elínar Kristjánsdóttur dags. 07.02."13 þar sem spurst er fyrir um framkvæmdir við mötuneyti nemenda í Grunnskólanum í Borgarnesi.
Byggðarráð óskar eftir gögnum um stöðu við undirbúning framkvæmda.

Lögð fram fundargerð frá 1. fundi vinnuhóps um nýtingu fasteigna Borgarbyggðar sem haldinn var 03. janúar s.l.

Lögð fram fundargerð frá 3. fundi vinnuhóps um málefni aldraðra sem haldinn var 07. febrúar s.l.

Lögð fram fundargerð frá 4. fundi vinnuhóps um málefni aldraðra sem haldinn var 14. febrúar s.l.

Lögð fram fundargerð frá 105. fundi stjórnar Faxaflóahafna sem haldinn var 08.02."13.