Byggðarráð Borgarbyggðar

Lögð fram fundargerði félagsfundar í Veiðifélagi Norðurár sem haldinn var 16. maí 2013.

Lagt fram erindi knattspyrnudeildar umf. Skallagríms um byggingu nýs gervigrasvallar og um umhirðu og viðhald á sparkvellinum í Borgarnesi.
Samþykkt að fela umhverfis- og skipulagssviði að meta umhirðu og viðhald sparkvallarins í Borgarnesi.
Erindinu um byggingu nýs gervigrasvallar var vísað til umsagnar tómstundanefndar og Ungmennasambands Borgarfjarðar.

Lögð fram umsókn dags. 25. maí 2013 frá Guðrúnu Maríu Björnsdóttur f.h. landeigenda um stofnun 1.581 m² íbúðarhúslóðar sem fær heitið Snartarstaðir II út úr jörðinni Snartarstöðum.
Samþykkt að lóðin verði stofnuð.

Lögð fram umsókn dags. 24. maí 2013 frá Goðhamri ehf. um stofnun 6.012 m² lóðar sem fær heitið Gistihús, út úr jörðinni Staðarhúsum.
Samþykkt að lóðin verði stofnuð.

Lagt fram erindi frá Ungmennafélaginu Íslendingi dags. 23.05."13 þar sem farið er fram á styrk vegna tómstundastarfs fyrir börn og unglinga.
Samþykkt að fela sveitarstjóra að ræða við Ungmennasamband Borgarfjarðar um íþrótta- og tómstundastarf í ljósi samnings sem nýlega var gerður.

Lagt fram bréf frá samstarfshópi um forvarnir í Borgarbyggð dags. 22.05."13 varðandi aldurstakmark á skemmtanir sem haldnar eru í Reiðhöllinni Faxaborg í Borgarnesi.
Samþykkt að fela sveitarstjóra að kynna erindið fyrir rekstrarfélagi reiðhallarinnar.

Lagt fram bréf Bjargar Gunnarsdóttur umhverfis- og landbúnaðarfulltrúa dags. 28.05."13 varðandi gróðursetningu við innkomuna í Borgarnes. Erindið er í 6 liðum.
Byggðarráð leggur áherslu á liði 1, 4, 5 og 6 en liðir 2 og 3 skulu mæta afgangi.

Lögð fram drög að samkomulagi við landeigendur á Gilsbakka um endurnýjun á girðingu á merkjum afréttarlands Borgarbyggðar og Gilsbakka.
Byggðarráð samþykkti drögin.

Rætt um þá reglu í starfsmannastefnu Borgarbyggðar að starfsmenn láti af störfum þegar þeir ná 70 ára aldri.

Á fundinn mætti Pétur Guðmundsson og kynnti erindi frá Björgunarsveitunum Brák, Ok, Heiðari og Elliða um nám fyrir verðandi björgunarsveitarmenn. Rætt hefur verið um að námið verði í samstarfi við Menntaskóla Borgarfjarðar.
Samþykkt að fela sveitarstjóra að gera tillögu að aðkomu sveitarfélagsins að náminu.

Á fundinn mættu Guðrún Þórðardóttir, Guðrún Björk Friðriksdóttir og Elfa Hauksdóttir frá stjórn Dansíþróttafélags Borgarfjarðar til viðræðna um dansíþróttina í Borgarbyggð.
Samþykkt að skoða málið frekar og var sveitarstjóra falið að halda áfram viðræðum við fulltrúa Dansíþróttafélags Borgarfjarðar.

Lagt fram fundarboð á aðalfund Veiðifélags Norðurár sem haldinn verður föstudaginn 31. maí 2013 að Hraunsnefi.
Samþykkt að Kristján F. Axelsson verði fulltrúi Borgarbyggðar á fundinum.

Lagt fram fundarboð á aðalfund Veiðifélags Gljúfurár sem haldinn verður 03. júní 2013.
Samþykkt að Sigurjón Jóhannsson verði fulltrúi Borgarbyggðar á fundinum.

Lagt fram bréf Bjargar Gunnarsdóttur umhverfis- og landbúnaðarfulltrúa dags. 28.05."13 þar sem farið er fram á aukafjárveitingu til grenjavinnslu við æðarvarp.
Samþykkt með 2 atkv. að veita kr. 150.000 í þetta verkefni. 1 (FL) sat hjá við atkvæðagreiðslu.

Lagt fram bréf Bjargar Gunnarsdóttur umhverfis- og landbúnaðarfulltrúa dags. 29.05."13 varðandi gróðursetningu á Kleppjárnsreykjum.
Byggðarráð samþykkti þá tillhögun sem lagt er til í bréfinu.

Rætt um fyrirhugaðar breytingar á akstursáætlun Strætó á Vesturlandi fyrir veturinn 2013/2014.
Samþykkt að fela sveitarstjóra að kynna áherslur Borgarbyggðar fyrir vinnuhópi um almenningssamgöngur á Vesturlandi.

Lagt fram minnisblað frá Inga Tryggvasyni hdl. vegna erindis frá Tryggva Val Sæmundssyni um bætur vegna tjóns sem varð við sinubruna í Skorradal.
Í ljósi niðurstöðu minnisblaðsins hafnar Borgarbyggð að greiða það sem Tryggvi Valur gerir kröfu um þar sem sinubruninn varð ekki í Borgarbyggð.

Lögð fram ársskýrsla um málefni fatlaðra ásamt fundargerð frá fundi sem fram fór á vegum Samtaka sveitarfélaga á Vesturlandi 28.05."13 um málefni fatlaðra.


Finnbogi vék af fundi.

Á fundinn mætti Jökull Helgason forstöðumaður umhverfis- og skipulagssviðs.
Rætt um ráðningu nýs skipulags- og byggingarfulltrúa Borgarbyggðar.

Forstöðumaður umhverfis- og skipulagssviðs gerði grein fyrir stöðu framkvæmda sumarið 2013.