Byggðarráð Borgarbyggðar

Framlögð tillaga að samþykkt um stjórn Borgarbyggðar, en síðari umræða mun fara fram á fundi sveitarstjórnar 15 ágúst n.k. Sveitarstjóra falið að gera smávægilegar breytingar á tillögu að samþykktunum.

Formaður kynnti fyrirhugaða dagskrá vegna 100 fund sveitarstjórnar Borgarbyggðar sem fram fer í Reykholti 15 ágúst n.k.

Framlögð tillaga frá Bifreiðaíþróttaklúbbi Reykjavíkur um akstursleiðir í Borgarbyggð fyrir rallýkeppnir. Byggðarráð telur rétt að fyrir liggi samþykki ábúanda jarða ef heimila á aksturskeppni fyrir landi viðkomandi.

Framlagt erindi frá Brákarhlíð vegna framlaga sveitarfélaga til heimilisins á árinu 2014. Byggðarráð samþykkir að vísa erindinu til vinnu við fjárhagsáætlun fyrir árið 2014.

Byggðarráð samþykkti að styrkja Björgunarsveitina Brák um kr. 200.000 árið 2013 og kr.200.000 árið 2014 vegna náms fyrir verðandi Björgunarsveitarmenn sem boðið verður upp á í samvinnu við Menntaskóla Borgarfjarðar.

Rætt um menntamál í Borgarbyggð. Byggðarráð samþykkir að bjóða Mennta- og menningarráðherra í skólahéraðið Borgarbyggð.

Byggðarráð lýsir yfir ánægju sinni með þá ákvörðun stjórnar UMFÍ að Unglingalandsmótið 2016 verði haldið í Borgarnesi.

Framlagt bréf frá Jöfnunarsjóði sveitarfélaga þar tilkynnt er um framlag sjóðsins vegna fasteignaskatts á árinu 2013.