Byggðarráð Borgarbyggðar

Lagður fram samningur á milli Mannvirkjastofnunar og Slökkviliðs Borgarbyggðar um stuðning við uppbyggingu á æfingaaðstöðu fyrir slökkviliðið.
Byggðarráð samþykkti samninginn.

Lagt fram minnisblað skrifstofustjóra um viðræður við Símann um nýtt símakerfi fyrir stofnanir sveitarfélagsins.
Samþykkt að gera samning við Símann um kerfið.

Lögð fram umsókn starfsmanna Klettaborgar um styrk með vísan í reglur um styrki til náms- og kynnisferða starfsfólks vegna ferðar starfsmanna til Brighton.
Samþykkt að veita styrk að upphæð kr. 10.000 pr starfsmann.

Á fundinn mætti mætti Jónína Erna Arnardóttir formaður Borgarfjarðarstofu til viðræðna um ritun Sögu Borgarness.
Samþykkt að fela sveitarstjóra að funda með ritnefnd um Sögu Borgarness og fara yfir stöðu mála.

Lögð fram tillaga að viðaukaáætlun við fjárhagsáætlun 2013 en í henni eru þær breytingar sem ákveðið var að gera á öðrum ársfjórðungi ársins.
Byggðarráð samþykkti tillöguna.

Á fundinn mætti Oddný Þórunn Bragadóttir kaupmaður í Borgarnesi til viðræðna um stöðu verslunar í Borgarbyggð.
Samþykkt að fela sveitarstjóra að kalla kaupmenn saman til fundar til að finna leiðir til að auka verslun í héraðinu.

Lagt fram bréf óbyggðanefndar þar sem tilkynnt er að nefndin hefur orðið við beiðni fjármála- og efnahagsráðherra um framlengdan frest til 15. október n.k. til að lýsa þjóðlendukröfum á svæði 8.
Samþykkt að fela sveitarstjóra að ræða við lögfræðing til að fara með málið af hálfu Borgarbyggðar.

Fundarboð á félagsfund í Veiðifélagi Norðurár sem haldinn verður 26. september ásamt fundargerð frá aðalfundi félagsins 31. maí s.l.
Kristján Axelsson verður fulltrúi Borgarbyggðar á fundinum.

Lagt fram fundarboð á félagsfund í Veiðifélagi Langár sem haldinn verður í Langárbyrgi 27. september n.k.
Einar Ole Pedersen og Sigurjón Jóhannsson verða fulltrúar Borgarbyggðar á fundinum.

Lögð fram fundargerð frá 2. fundi vinnuhóps um Staðardagskrá 21 sem haldinn var 17. september 2013.

Lögð fram fundargerð stjórnar Faxaflóahafna frá 13. september s.l.
Sveitarstjóri kynnti að fyrirhugað sé að flýta framkvæmdum við smábátahöfn í Borgarnesi.

Lögð fram fundargerð stjórnar Orkuveitu Reykjavíkur frá 29. ágúst s.l.

Lagt fram fundarboð á ársfund Jöfnunarsjóðs sveitarfélaga sem haldinn verður 2. október n.k. í Reykjavík.
Sveitarstjóri verður fulltrúi Borgarbyggðar á fundinum.

Lögð fram skýrsla vinnuhóps um húsnæðismál.
Byggðarráð þakkar vinnuhópnum fyrir skýrsluna.

Á fundinn mætti Jökull Helgason forstöðumaður umhverfis- og skipulagssviðs og kynnti tillögu að hönnun göngustígs við Suðurneskletta í Borgarnesi.
Samþykkt að heimila umhverfis- og skipulagssviði að gera verðkönnun á verkinu.
Jökull kynnti aðrar hugmyndir sem unnið er að við gerð göngustíga í Borgarnesi

Jökull kynnti niðurstöðu verðkönnunar á fyllingu í lóðina að Sólbakka 29 en þar á að gera malarplan.
Samþykkt að fela Jökli að ganga til samninga við Velverk ehf sem var með lægsta verðið í verkið.

Jökull kynnti viðræður við Borgarverk ehf sem er að vinna að gerð bílaplans á horni Bjarnarbrautar og Brákarbrautar.
Samþykkt að fela Jökli að ganga til samninga við Borgarverk ehf um verkið.