Byggðarráð Borgarbyggðar

Á fundinn mætti Gísli Gíslason hafnarstjóri Faxaflóahafna til viðræðna um uppbyggingu á Grundartanga.
Byggðarráð fagnar þeirri uppbyggingu sem orðið hefur og fyrirhuguð er á Grundartangasvæðinu enda er Grundartangi orðið afar mikilvægt atvinnusvæði fyrir allt Vesturland.

Á fundinn mætti Inga Vildís Bjarnadóttir félagsráðgjafi og kynnti helstu verkefni sem Borgarbyggð vinnur að varðandi forvarnarmál.

Lagt fram fundarboð á aðalfund Símenntunarmiðstöð Vesturlands sem fram fer í Borgarnesi 28. mars n.k.
Samþykkt að Páll S. Brynjarsson sveitarstjóri verði fulltrúi Borgarbyggðar á fundinum.

Lagt fram erindi frá umf. Íslendingi dags. 23.03."14 þar sem óskað er eftir stuðning við rekstur Hreppslaugar.
Byggðarráð samþykkti að athuga með stuðning við verkefnið með svipuðum hætti og á síðasta ári.

Lagt fram fundarboð á aðalfund Veiðifélags Langár sem haldinn verður 12. apríl n.k.
Samþykkt að Einar Ole Pedersen og Sigurjón Jóhannsson verði fulltrúar Borgarbyggðar á fundinum.

Lögð fram stöðuskýrsla um Planið, aðgerðaráætlun Orkuveitu Reykjavíkur, eins og hún var í árslok 2013.

Lagt fram erindi frá Skýrslutæknifélaginu dags. 20.03."14 þar sem óskað er eftir styrk vegna vinnu við skrásetningu á Sögu upplýsingatækni á Íslandi.
Byggðarráð getur ekki orðið við erindinu að þessu sinni.

Lögð fram fundargerð frá 118. fundi stjórnar Faxaflóahafna sem haldinn var 14. mars s.l. ásamt ársreikningi 2013 og greinargerð hafnarstjóra.

Kynntar breytingar á fjárhagsáætlun Faxaflóahafna fyrir árið 2014 sem samþykktar voru á fundi stjórnar 14. mars s.l.

Lögð fram fundargerð frá 198. fundi stjórnar Orkuveitu Reykjavíkur sem haldinn var 17.01.2014.

Lögð fram fundargerð frá 199. fundi stjórnar Orkuveitu Reykjavíkur sem haldinn var 26.02.2014.

Kynntar voru tillögur að uppbyggingu á skotsvæði í landi Hamars við Bjarnhóla.
Byggðarráð samþykkti að hefja vinnu við deiliskipulagstillögu að svæðinu.

Lögð fram tillaga umhverfis- og skipulagssviðs að umsókn um fjárveitingu úr styrkvegasjóði Vegagerðarinnar.
Byggðarráð samþykkti tillöguna.

Samþykkt að Bjarni Þór Traustason verði varamaður í kjörstjórn Borgarbyggðar í stað Sveins G. Hálfdánarsonar við sveitarstjórnarkosningar n.k. vor

Rætt var um málefni Landbúnaðarháskóla Íslands og svohljóðandi bókun samþykkt samhljóða:
"Byggðaráð Borgarbyggðar ítrekar þá afstöðu sína að það sé farsælast fyrir Landbúnaðarháskóla Íslands að vera áfram sjálfstæður skóli. Í kjölfar þess að mennta- og menningarmálaráðherra tilkynnti fyrir skömmu að ekki kæmi til sameiningar LBHÍ og HÍ hafa ráðherra og yfirstjórn skólans farið mikinn á opinberum vettvangi og sakað sveitarstjórn Borgarbyggðar, ásamt öðrum þeim sem hafa varað við þessari sameiningu, um þröngsýni og afturhaldssemi svo einhver dæmi séu nefnd.

Í umræðu um sameiningu skólanna, reyndar á seinni stigum, kom fram að ráðherra væri tilbúinn til að leggja verulegt fjármagn til uppbyggingar á Hvanneyri og Reykjum. Það er ánægjulegt að ráðherra meti að til sé fjármagn til uppbyggingar á háskólum og því trúum við ekki öðru en að ráðherra leggi Landbúnaðarháskólanum til aukið fjármagn til reksturs, samanber þær upphæðir sem nefndar hafa verið. Byggðarráð Borgarbyggðar lýsir jafnframt yfir vonbrigðum með að ráðherra hyggist gera skólanum að greiða inn á uppsafnaðann hala sem til er kominn sökum of lágra framlaga til skólans undanfarin ár eins og stjórnendur skólans hafa ítrekað bent stjórnvöldum á undanfarin ár. Stjórnvöld hafa ekki staðið við fögur fyrirheit um að losa skólann undan skuldahala sem fylgt hefur skólanum allt frá stofnun hans árið 2005. Í raun má segja að það sé aðdáunarvert hvernig rektor og starfsmönnum skólans hefur tekist að halda á spöðunum þessi erfiðu ár. Þrátt fyrir fjársvelti hafa gæðaúttektir sýnt að faglegt starf skólans hefur verið gott, þökk sé fyrst og fremst hæfu starfsfólki.

Byggðarráð Borgarbyggðar lýsir sig reiðubúið til að vinna af krafti að uppbyggingu Landbúnaðarháskóla Íslands með öllum þeim aðilum sem láta sig vöxt og viðgang skólans varða og bindur vonir við að nýskipað háskólaráð leiti eftir samstarfi og samvinnu við nærsamfélagið í þeirri baráttu sem framundan er til að tryggja aukið fjármagn til reksturs sjálfstæðs Landbúnaðarháskóla á Hvanneyri."