Byggðarráð Borgarbyggðar

Lögð fram ályktun frá ráðstefnunni Ungt fólk og lýðræði sem haldin var á Ísafirði 9. - 11. apríl 2014.

Lögð fram fundargerð 16. fundar nefndar um nýja fjallskilasamþykkt sem haldinn var 15. apríl 2014.
Byggðarráð gerir ekki athugasemdir við þær breytingar sem lagt er til að verði gerðar á fjallskilasamþykktinni.

Rætt um eigendastefnu og sameignarsamning um Orkuveitu Reykjavíkur.
Svohljóðandi bókun var samþykkt:
Byggðarráð samþykkir eigendastefnu Orkuveitu Reykjavíkur og sameignarsamning eigenda. Eigendur OR eru sammála um að taka upp viðræður um fráveitusamninga Borgarbyggðar og skyld atriði. Viðræður hefjist í ágúst 2014 og stefnt er á að sameiginlegri niðurstöðu verði skilað fyrir árslok sama ár. Borgarbyggð hefur lagt áherslu á að viðræðurnar snúist um leiðir til að lækka gjaldskrár eða að mögulegar breytingar á gjaldskrá fráveitu taki ekki gildi fyrr en að framkvæmdum við fráveitu er að fullu lokið.

Lagt fram bréf frá Atvinnu- og nýsköpunarráðuneytinu dags. 15.04."14 þar sem tilkynnt er um styrkveitingu úr framkvæmdasjóði ferðamannastaða vegna verkefnis við Hraunfossa.
Byggðarráð fagnar styrkveitingunni.

Lagt fram bréf frá Atvinnu- og nýsköpunarráðuneytinu dags. 15.04."14 þar sem tilkynnt eru um styrk frá Framkvæmdasjóði ferðamannastaða vegna göngubrúar við Suðurneskletta í Borgarnesi.
Byggðarráð fagnar styrkveitingunni.

Rætt um tilboð í gerð göngubrúar við Suðurneskletta í Borgarnesi.
Í ljósi þess að fengist hafa styrkir í verkefnið var samþykkt að ganga til samninga við lægstbjóðenda í verkið.

Á fundinn mætti Guðrún Jónsdóttir og kynnti tillögu að endurskoðaðri menningarstefnu.
Byggðarráð samþykkti tillöguna.
Einnig kynnti Guðrún samstarfssamninga við Akraneskaupstað og Mosfellsbæ um meninngarmál, en þessir samningar hafa verið í gildi um nokkurt skeið.
Samþykkt að þessi samningar verði kynntir fyrir starfsmönnum sveitarfélagsins.

Guðrún sagði frá sýningu sem opnuð verður í Safnahúsinu á sumardaginn fyrsta í minningu Guðmundar Böðvarssonar frá Kirkjubóli. Sýningin er samstarfsverkefni Safnahússins og nemenda grunnskóla og tónlistarskóla í Borgarbyggð.

Lagt fram fundarboð á aðalfund Brákarhlíðar sem fram fer miðvikudaginn 30. apríl n.k.

Lögð fram fundargerð frá 119. fundi stjórnar Faxaflóahafna sem haldinn var 11. apríl s.l.

Bjarki vék af fundi og tók Ragnar við stjórn fundarins.

Á fundinn mætti Einar Pálsson fjármálafulltrúi og kynnti stöðuna á rekstri Borgarbyggðar fyrstu tvo mánuði ársins 2014.

Samþykkt að óska eftir minnisblaði varðandi rafmagnskaup sveitarfélagsins og úttekt á sparnaði við að slökkva á götulýsingu yfir sumartíma.