Byggðarráð Borgarbyggðar

Kynningarbréf vegna nýrrar bókar "Landnámsmenn úr norðri" frá Urði bókafélagi lagt fram.

Framlagt bréf frá Samtökum sveitarfélaga á Vesturlandi þar sem óskað er viðræðna um almenningssamgöngur í Borgarbyggð. Byggðarráð leggur áherslu á að almenningssamgöngur verði skoðaðar með heildstæðum hætti og felur sveitarstjóra að funda með SSV fyrir næsta fund byggðaráðs.

Fjallskilaseðlar fjallskiladeilda í Borgarbyggð lagðir fram.

Landgræðsla ríkisins hefur kallað eftir landbótaáætlun fyrir Oddstaðaafrétt. Samþykkt að fela sveitarstjóra að ræða við formann fjallskilanefndar Oddstaðaafréttar fyrir næsta fund byggðarráðs.

Samkv. lögum þarf sveitarstjórn, strax að loknum sveitarstjórnarkosningum, að taka ákvörðun um það hvort ástæða er til að endurskoða aðalskipulag sveitarfélagsins. Byggðarráð staðfestir gildi núverandi aðalskipulags í samræmi við 35. gr. laga 59/2014. Byggðaráð leggur áherslu á að þegar ný landsskipulagsstefna liggur fyrir geti það kallað á endurskoðun.

Einar Pálsson fjármálafulltrúi kom á fundinn og kynnti tímaáætlun fjárhagsáætlunar og jafnframt drög að tekjuáætlun ársins 2015.

Jökull Helgason forstöðumaður umhverfis - skipulags og framkvæmdasviðs mætti á fundinn og fór yfir stöðu mála. Samningar um rekstur tjaldsvæða í Borgarnesi og á Varmalandi renna út í haust. Byggðaráð samþykkir að bjóða reksturinn út til næstu fjögurra ára og felur umhverfis - skipulags og framkvæmdasviði að undirbúa útboðið.

Jökull Helgason forstöðumaður umhverfis - skipulags- og framkvæmdasviðs lagði fram minnisblað sem tekið var saman í kjölfar almenns fundar um umferðaröryggismál á skólaholtinu þann 20. ágúst s.l. Byggðaráð felur umhverfis - skipulags - og landbúnaðarnefnd að vinna áfram að útfærslu á umferðaröryggismálum við Grunnskólann í Borgarnesi.

Ásthildur Magnúsdóttir fræðslustjóri mætti á fundinn og fór yfir minnisblað varðandi kostnað við skólaakstur frá Hraunsmúla. Kostnaður Borgarbyggðar við aksturinn er um 850 þúsund krónur á árinu 2014, sem færist á lið 04-211-4114. Gera má ráð fyrir endurgreiðslu ca 2/3 hluta kostnaðar frá Jöfnunarsjóði sveitarfélaga. Nettókostnaður Borgarbyggðar ætti því að verða um 250 þúsund krónur á árinu 2014 og verður tekinn af liðnum 04-290 (annar grunnskólakostnaður).

Óbyggðanefnd, fulltrúar kröfuaðila ásamt fulltrúum gagnaðila Borgarbyggðar og annarra landeigenda fóru í vettvangsferð dagana 25. 27. ágúst. um þau svæði sem þjóðlendukröfur eru gerðar til í Mýra- og Borgarfjarðarsýslu. Sveitarstjóri fór yfir helstu atriði þeirra ferða.