Byggðarráð Borgarbyggðar

Lögð fram dagskrá Fjármálaráðstefnu sveitarfélaga sem haldin verður 9. - 10. okt n.k. í Reykjavík.

Lagt fram fundarboð á ársfund Jöfnunarsjóðs sveitarfélaga sem haldinn verður 8. okt n.k. í Reykjavík.
Samþykkt að skrifstofustjóri verði fulltrúi Borgarbyggðar á fundinum.

Lögð fram beiðni Jóns Péturssonar um að fá að flytja samning um skólaakstur til einkahlutafélags sem er að öllu leyti í hans eigu.
Byggðarráð samþykkti breytinguna.

Lögð fram drög að viljayfirlýsingu hagsmunaaðila Grundartangasvæðisins um vilja til samstarfs á sviði umhverfismála, mótun framtíðarsýnar og fleiri þátta til að efla atvinnulíf á svæðinu.
Byggðarráð samþykkti að Borgarbyggð taki þátt í verkefninu.

Á fundinn mætti Ingi Tryggvason hrl til viðræðna um girðingu um Króksland í Norðurárdal.
Eigendur Króks gera kröfum um að Borgarbyggð láti girða landið sem næst merkjum en Borgarbyggð verði heimilt að færa afréttargirðinguna norðan Krókslands á það girðingastæði sem boðið hefur verið. Sú leið verði girt með beinni girðingu frá Norðurá þar til hún kemur saman við merkjagirðingu efst í Hellisgilsdrögum. Borgarbyggð hefur bent á að girðing á þeim stað sem landeigandi bendir á sé mjög kostnaðarsöm og hefur bent á heppilegra girðingastæði.
Samþykkt að fela sveitarstjóra að ræða við formann Afréttarnefndar Þverárréttarupprekstrar um framhald málsins.

Á fundinn mættu Hallur Jónasson og Jón Bjarni Steinarsson úr starfshópi um vaxtarklasa í Borgarbyggð og kynntu samantekt á þeirri vinnu sem fram hefur farið. Einnig sátu fundinn Vilhjálmur Egilsson og Helgi Haukur Hauksson meðan þessi liður var ræddur.

Ragnar Frank vék af fundinum.

Á fundinn mættu Ingvi Árnason og Margrét K. Guðnadóttir frá Golfklúbbi Borgarness til að ræða fjármál klúbbsins.
Byggðarráð telur að ekki séu forsendur til að auka styrki til klúbbsins að svo stöddu og var samþykkt að fela sveitarstjóra að afla frekari upplýsinga um framtíðaráform stjórnar klúbbsins.

Sveitarstjóri kynnti hugmyndir um að Borgarbyggð standi fyrir ráðstefnu um tækifæri háskóla og háskólastofnana í Borgarbyggð.
Samþykkt að fela sveitarstjóra að vinna að undirbúningi og gera tillögur um samstarfsaðila.

Lagt fram fundarboð á fund með þingmönnum Norð-vesturkjördæmis sem haldinn verður 3. október n.k.
Farið yfir þau atriði sem rædd verða við þingmennina.

Lögð fram ný gögn frá Karli Sigurhjartarsyni og Orkuveitu Reykjavíkur varðandi hitastig vatns í Álfabrekku 4 í Borgarbyggð.
Samþykkt að fela skrifstofustjóra að afla frekari upplýsinga frá Atvinnuvega- og nýsköpunarráðuneytinu varðandi málið.

Lagt fram bréf Mæðrastyrksnefndar Akraness dags. 16.09."14 þar sem spurst er fyrir hvort áhugi sé á að nefndin þjónusti íbúa í Borgarbyggð. Einnig er verið að athuga með fjárhagslegan styrk frá Borgarbyggð til nefndarinnar.
Vísað til umfjöllunar í velferðarnefnd.

Rætt um stuðning Borgarbyggðar við Sauðamessu 2014.
Samþykkt að styðja hátíðina um kr. 200.000 auk þess sem leyft verður að nota Hjálmaklett endurgjaldslaust eftir hádegi á föstudegi og fram til kl. 18,00 á laugardag.
Kostnaður verður tekinn af liðnum hátíðahöld á fjárhagsáætlun.

Rætt um siðareglur Borgarbyggðar en sveitarstjórn skal taka þær til endurskoðunar í upphafi kjörtímabils.
Vísað til umfjöllunar í sveitarstjórn.

Rætt um umhirðu og umgengni á athafnasvæðum í Borgarbyggð.
Samþykkt að fela umhverfis-, skipulags- og landbúnaðarnefnd að koma með tillögur og aðgerðaráætlun um umhverfisátak og leiðir til að sameina krafta sveitarfélagins, fyrirtækja og íbúa til bættrar umgengni.

Rætt um hugmyndir um útilistarverk í Brákarey. Höfundar verksins eru Áslaug Harðardóttir, Ólöf Davíðsdóttir og Sverrir Björnsson.
Samþykkt að óska eftir kynningafundi fyrir sveitarstjórn og umhverfis-, skipulags- og landbúnaðarnefnd.

Lögð fram fundargerð 144. starfsmannafundar Safnahússins sem haldinn var 23. sept s.l.
Lagt fram minnisblað forstöðumanns Safnahúss varðandi fjárhagsáætlun 2015 og var því vísað til gerðar fjárhagsáætlunar.

Lögð fram fundargerð 124. stjórnarfundar Faxaflóahafna sem haldinn var 22. september s.l.