Byggðarráð Borgarbyggðar

Lagt fram bréf Orkuveitu Reykjavíkur dags. 15.12.2014 varðandi ádrátt á lánalínur í desember til að kaupa gjaldeyrir til að uppfylla undanþágu sem Seðlabanki Íslands veitti fyrir árið 2014.

Lagt fram bréf Flugklúbbsins Kára dags. 17.12.2014 þar sem óskað er eftir styrk frá sveitarfélaginu til greiðslu skuldar á fasteignagjöldum. Stefnt er að því klúbburinn gangi í gegnum endurskipulagningu og viðreisn á næsta ári og er áætlað að opna flugvöllinn á næsta ári fyrir almennu einkaflugi og jafnvel kennslu- og útsýnisflugi.
Samþykkt að veita Flugklúbbnum styrk til að greiða gjaldfallna fasteignaskuld við Borgarbyggð og fella niður vanskilavexti. Fjárhæðin færist á ýmsa styrki og framlög í málafl 21.

Á fundinn mætti Ingi Tryggvason hrl til viðræðna um stöðu innheimtumáls á Barnaverndarstofu vegna ógoldinnar leigu fyrir húsnæðið að Hvítárbakka 2.

Þar sem tekjustreymi sveitarfélagsins tekur ekki mið af greiðsluflæði var samþykkt að heimila yfirdrátt á bankareikningi fyrir allt að 240 millj króna.

Lögð fram beiðni Snorrastofu um styrk vegna sýningar sem haldin er í tengslum við kvenréttindabaráttu síðustu 100 ára.
Vísað til menningarsjóðs Borgarbyggðar.

Lagt fram bréf Ungmennafélags Íslands dags. 10. desember 2014 þar sem auglýst er eftir aðilum til að sækja um að taka að sér undirbúning og framkvæmd 28. Landsmóts UMFÍ 2017.

Lögð fram umsókn Arinbjörns Haukssonar um stækkun lóðarinnar að Helgugötu 10.
Samþykkt að vísa erindinu til umsagnar umhverfis-, skipulags- og landbúnaðarnefndar.

Lögð fram fundargerð stjórnar Sorpurðunar Vesturlands frá 19. nóvember 2014.

Lögð fram fundargerð stjórnar Sambands íslenskra sveitarfélaga frá 12. desember 2014.

Lögð fram fundargerð stjórnar Faxaflóahafna sf frá 12. desember 2014.

Lögð fram fundargerð 370. fundar stjórnar Hafnasambands Íslands sem var haldinn 11. desember 2014.