Byggðarráð Borgarbyggðar

Lagt fram erindi Náttúru ehf. varðandi endurvinnslukort.
Samþykkt að vísa erindinu til umhverfis-, skipulags- og landbúnaðarnefndar.

Lagt fram erindi frá Skáksambandi Íslands og Skákakademíunni um skákdag 26. janúar n.k.

Lagt fram bréf Rotaryklúbbs Borgarness varðandi söfnun fyrir hjartahnoðtæki.
Samþykkt að Borgarbyggð styrki verkefnið um kr. 100.000,-

Rætt um áfangaskýrslu byggingarnefndar Grunnskólans í Borgarnesi.
Byggðarráð þakkar fyrir skýrsluna og tekur undir tillögur um að við endurskipulagningu á núverandi húsnæði og við nýframkvæmd verði sérstaklega hugað að mötuneyti (fjölnotasal), tómstundaskóla, vinnuaðstöðu kennara og bættri stofuskipan vegna aldursskiptingar nemenda auk aðstöðu fyrir list- og verkgreinar. Einnig verði gert ráð fyrir tónlistarskóla og félagsmiðstöð fyrir unglinga í viðbyggingarmöguleikum í framtíðinni.
Byggðarráð leggur til að leitað verði eftir hugmyndum að útfærslum hjá a.m.k. þremur hönnuðum.
Byggðarráð samþykkir að setja Gunnlaugsgötu 17 á sölu með kvöðum um endurbætur.

Á fundinn mættu Hulda Hrönn Sigurðardóttir, Hannes Heiðarsson, Haukur Valsson og Hjördís Hjartardóttir félagsmálastjóri sem sátu í vinnuhópi og kynntu stefnumótun í þjónustu við einstaklinga með fötlun í Borgarbyggð.

Ragnar vék af fundi.

Byggðarráð samþykkti að hefja vinnu við mótun stefnu á sviði upplýsinga- og kynningarmála sveitarfélagsins. Stefnt er að því stefnan liggi fyrir í lok ársins.

Lögð fram drög að húsaleigusamningi við Rafta, bifhjólafélag Borgarfjarðar, um leigu á húsnæði í Brákarey.
Byggðarráð samþykkti samninginn.

Lagt fram bréf stjórnar Faxaflóahafna dags. 09.01.´15 varðandi stefnumótun í hafnamálum við Faxaflóa.
Byggðarráð tekur jákvætt í erindið og var sveitarstjóra falið að ræða við bréfritara.

Lögð fram fundargerð stjórnar Faxaflóahafna sf. frá 9. janúar 2015.

Lögð fram beiðni Sigurðar Halldórssonar um breytingu á notkun lands á jörðinni Lundi IIIb úr íbúðarhúsalóð í frístundabyggð.
Byggðarráð samþykkti að heimila breytingu á notkuninni.

Rætt um umsókn sem borist hefur um lóðirnar að Borgarbraut 57 og 59.
Samþykkt að úthluta lóðunum ekki að svo stöddu þar sem eftir er að auglýsa lóðirnar skv. vinnureglum Borgarbyggðar um úthlutun lóða.
Samþykkt að fela forstöðumanni umhverfis- og skipulagssviðs að auglýsa allar lausar lóðir í eigu sveitarfélagsins.