Byggðarráð Borgarbyggðar

Eiríkur Ólafsson fjármálastjóri kom á fundinn og fór yfir rekstur sveitarfélagsins fyrstu tvo mánuði ársins. Heilt á litið er reksturinn í samræmi við áætlun tímabilsins.

Lögð fram beiðni Orkuveitu Reykjavíkur um samþykki fyrir breytingum á gjalddögum láns.
Borgarbyggð samþykkir beiðnina.
Eiríkur Ólafsson sat fundinn á meðan þessi liður var ræddur.

Lögð fram tillaga um ábyrgðargjald Orkuveitu Reykjavíkur til eigenda ásamt mati Summu ehf. á hæfilegu ábyrgðargjaldi sem unnið er skv. ESA reglum og á að lýsa þeirri ívilnun sem felst í ábyrgð sveitarfélaganna á umræddum lánum OR.
Byggðarráð samþykkir tillöguna.
Eiríkur Ólafsson sat fundinn á meðan þessi liður var ræddur.

Lögð fram tilkynning frá Innanríkisráðuneytinu um stjórnsýslukæru Sæmundar Sigmundssonar á hendur Borgarbyggð. Kæran lýtur að meintu ólögmætu sérákvæði í reglum sem sveitarstjórn Borgarbyggðar setti 13. júní 2013 um skólaakstur í Borgarbyggð og samþykkt byggðarráðs Borgarbyggðar á útboðsgögnum vegna aksturs í skóla og tómstundastarf frá 22. maí 2014. Einnig ákvörðun sveitarstjórnar Borgarbyggðar frá 26. júní 2014 að semja við lægstbjóðendur um fjórar ökuleiðir á forsendum fyrrnefndra skilmála í útboði frá 23. maí 2014.
Á fund byggðarráðs kom Ingi Tryggvason lögfræðingur og fór yfir málið. Byggðarráð felur Inga að svara ráðuneytinu.

Framlögð drög að endurnýjuðum samningi Borgarbyggðar og Vesturlandsstofu hf.
Framlag Borgarbyggðar á árinu 2014 var 2,7 milljónir. Gert er ráð fyrir sömu upphæð í áætlun 2015.
Borgarbyggð samþykkir samninginn.

Framlagt til kynningar bréf Óbyggðanefndar um staðfestingu á uppruna gagna sem lögð hafa verið fram vegna svæðis 8 vestur, ásamt gögnum sem um ræðir.
Þegar hefur verið hafist handa við að afla gagna í samstarfi við Héraðsskjalasafnið.

Lögð fram umsókn um stofnun lóðarinnar Laugarholt II í landi Laugarholts.
Byggðarráð samþykkir að lóðin verði stofnuð.

Lögð fram umsókn um stofnun lóðarinnar Síðumúli 2 í landi Síðumúla.
Byggðarráð samþykkir að lóðin verði stofnuð.

Framlagt bréf Safnahúss Borgarfjarðar varðandi varðveislu gamalla húsa.
Byggðarráð þakkar bréfið og vísar því til umhverfis-, skipulags- og landbúnaðarnefndar til umræðu. Byggðarráð tekur undir hvatningarorð forstöðumanns Safnahúss um mikilvægi varðveislu gamalla húsa í sveitarfélaginu.

Sigurður Skarphéðinsson og Guðmundur Brynjúlfsson fulltrúar frá Orkuveitu Reykjavíkur komu á fundinn og kynntu fyrirhugaðar framkvæmdir í fráveitumálum í Borgarbyggð á árinu 2016. Einnig var farið yfir breytingar sem gerðar voru á hitaveitu við sundlaugina í Borgarnesi. Verkfræðingur OR vinnur að lausn mála sem tengjast hitastigi sundlaugarinnar.
Kristján Finnur Kristjánsson umsjónarmaður fasteigna sat fundinn á meðan rætt var um sundlaugina í Borgarnesi.
Byggðarráð þakkar kynninguna.

Rætt um umsókn UMSB um tún í landi Kárastaða, sem byggðarráð vísaði til umsagnar umhverfis-, skipulags- og landbúnaðarnefndar.
Á fundinn kom Jökull Helgason forstöðumaður umhverfis- og skipulagssviðs og kynnti umsögn nefndarinnar.
Byggðarráð samþykkir tillögu nefndarinnar um að unnið verði að breytingu á aðalskipulagi Borgarbyggðar 2010-2022 vegna málsins. Kostnaður verði tekinn af fjármagni sem samþykkt var í fjárhagsáætlun 2015 vegna uppbyggingar á Kárastöðum í tengslum við Unglingalandsmót 2016.

Lögð fram umsókn UMF Egils Skallagrímssonar um styrk vegna boðsskemmtunar í Lyngbrekku.
Byggðarráð samþykkir að styrkja verkefnið um 50.000 krónur. Kostnaður verður færður á lið 05-819.

Lögð fram umsókn Borgarfjarðardeildar Norræna félagsins um styrk vegna vinabæjarmóts í Færeyjum sumarið 2015.
Byggðarráð sér sér ekki fært að styrkja verkefnið.

Lagt fram fundarboð á aðalfund Sorphirðu Vesturlands hf. Fundurinn verður haldinn á Hótel Hamri miðvikudaginn 25. mars næstkomandi.
Kolfinna Jóhannesdóttir verður fulltrúi Borgarbygðar á aðalfundinum.

Lagt fram fundarboð á aðalfund Nemendagarða MB ehf. Fundurinn verður haldinn í Hjálmakletti föstudaginn 27. mars nk.
Kolfinna Jóhannesdóttir verður fulltrúi Borgarbyggðar á fundinum.

Lagt fram fundarboð á aðalfund Háskólans á Bifröst. Fundurinn verður haldinn á Bifröst föstudaginn 10. apríl nk.
Óskað er eftir tilnefningum í fulltrúaráð Háskólans á Bifröst.
Borgarbyggð tilnefnir Helga Hauk Hauksson sem aðalmann til þriggja ára og Sigríði Júlíu Brynleifsdóttur sem varamann til eins árs.

Lagt fram boð á XXIX. landsþing Sambands íslenskra sveitarfélaga og skrá yfir landsþingsfulltrúa. Þingið verður haldið í Salnum í Kópavogi föstudaginn 17. apríl nk.
Aðalfulltrúar Borgarbyggðar eru Björn Bjarki Þorsteinsson, Guðveig Eyglóardóttir og Geirlaug Jóhannsdóttir. Til vara eru Jónína Erna Arnardóttir, Helgi Haukur Hauksson og Ragnar Frank Kristjánsson.

Umhverfis- og samgöngunefnd Alþingis sendi til umsagnar tillögu til þingsályktunar um athugun á hagkvæmni lestarsamgangna, 101. mál.
Lagt fram.

Fundargerð 2. fundar vinnuhóps um stefnumótun í málefnum nýbúa lögð fram.

Fundargerð 826. fundar stjórnar Sambands íslenskra sveitarfélaga lögð fram.

Fundargerð fundar í Veiðifélagi Gljúfurár dags. 3.2.2015 lögð fram.

Fundargerð 130. fundar stjórnar Faxaflóahafna lögð fram.
Undir lið "4 Drög að samþykktum fyrir Grundartanga Þróunarfélag ehf." leggur stjórn Faxaflóahafna til að sveitarfélögin tilnefni fulltrúa í starfshóp sem vinni tillögur að samþykktum sveitarfélagsins.
Byggðarráð samþykkir að fela sveitarstjóra að ræða við aðila málsins.

Skýrsla Snorrastofu um verkefnið "Umhverfi og útiminjar í Reykholti Borgarfirði" lögð fram ásamt fjárhagsuppgjöri 2013 - 2014.
Byggðarráð þakkar framlagða skýrslu.