Byggðarráð Borgarbyggðar

Eiríkur Ólafsson fjármálastjóri mætti á fundinn og fór yfir stöðuna fyrstu 9 mánuði ársins samanborið við fjárhagsáætlun. Í heildina er staðan jákvæð þótt einstaka liðir fari yfir áætlun. Byggðarráð lýsir yfir ánægju með stöðuna og þakkar forstöðumönnum fyrir gott samstarf í tengslum við fjárhagsáætlun ársins.

Aldís Arna Tryggvadóttir sviðsstjóri og Eiríkur Ólafsson fjármálastjóri kynntu yfirstandandi vinnu við fjárhagsáætlun 2016. Fjárhagsáætlun 2016 lögð fram til frekari vinnslu og fyrri umræðu í sveitarstjórn.
Byggðarráð leggur áherslu á að áfram verði unnið að því að allir málaflokkar nái að skila inn fjárhagsáætlun í samræmi við úthlutaðan ramma.

Aldís Arna Tryggvadóttir sviðsstjóri og Gestur Grjetar Andrésson tölvuumsjónarmaður kynntu hugmyndir um nýja heimasíðu, hlutverk hennar og tilgang. Byggðarráð þakkar þeim kynninguna.

Framlögð tilboð í Húsmæðraskólann á Varmalandi. Alls bárust fimm tilboð í eignina Samþykkt að ganga til samninga við hæstbjóðanda, Iceland incoming ferðir ehf. en tilboð þeirra hljóðaði upp á 210 millj. og fer afhending eignarinnar fram um áramót.

Framlögð tillaga fræðslunefndar Borgarbyggðar um að ráða Sigurð Sigurjónsson skólastjóra Andabæjar. Byggðarráð staðfestir tillögu fræðslunefndar Borgarbyggðar um skólastjóra Andabæjar og er hann boðinn velkominn til starfa.

Framlögð áskorun starfsmanna Andabæjar og GBF á Hvanneyri varðandi skólamál. Fulltrúar meirihluta í byggðarráði árétta ákvörðun frá fundi sveitarstjórnar 11. júní sl. Ekki verður farið í frekari vinnu við mat á öðrum leiðum.

Tvær ályktanir frá aðalfundi Foreldrafélags Grunnskóla Borgarfjarðar dags. 7. sept. lagðar fram. Varðandi ályktun þar sem óskað er eftir því að fulltrúi frá foreldrafélagi Grunnskóla Borgarfjarðar taki þátt í mótun skólastefnu Borgarbyggðar þá er henni vísað til fræðslunefndar.

Varðandi ályktun þar sem lagt er til að lokun Hvanneyrardeildar verði tekin til endurskoðunar þá áréttar meirihluti byggðarráðs ákvörðun sveitarstjórnar frá 11. júní s.l. um að loka Hvanneyrardeild Grunnskóla Borgarfjarðar og bjóða upp á samrekinn leik - og grunnskóla upp í 2. bekk í núverandi húsnæði leikskólans Andabæjar stendur óbreytt.

Framlögð drög að reglum um snjómokstur í dreifbýli í Borgarbyggð. Samþykkt að vinna áfram að snjómokstursreglum á grunni fyrirliggjandi draga.

Framlagt bréf Íbúðalánasjóðs um viðræður um kaup sveitarfélaga á íbúðum í eigu sjóðsins. Byggðarráð gerir ekki ráð fyrir kaupum á eignum ÍLS.

Lögð fram drög að samningum við Skorradalshrepp um kaup á þjónustu af Borgarbyggð á sviði grunnskóla, leikskóla, tónlistarskóla, félagsþjónustu, brunamála og safnamála. Byggðarráð áréttar mikilvægi þess að þessari samningagerð verði lokið fyrir 15. nóv. enda er enginn samningur um grunnskóla til staðar nú sbr. álit Sambands ísl. sveitarfélaga.

Framlagður tölvupóstur frá Norræna félaginu varðandi vinabæjarmót 2017 í Borgarbyggð. Samþykkt að fá fulltrúa Norræna félagsins í Borgarbyggð á næsta fund byggðarráðs.

Framlögð umsókn um stofnun sumarhúsalóðar í landi Hofsstaða í Stafholtstungum. Byggðarráð samþykkir að lóðin verði stofnuð.

Framlögð umsókn um stofnun lóðar úr landi Stapasels. Byggðarráð samþykkir að lóðin verði stofnuð.

Framlögð umsókn Grímshússfélagsins um styrk til framkvæmda við Grímshús. Erindinu vísað til gerðar fjárhagsáætlunar 2016.

Framlögð umsókn Foreldrafélags Grunnskólans í Borgarnesi um styrk til að halda málþing um geðrækt barna og unglinga. Byggðarráð samþykkir að styrkja verkefnið um kr. 50 þús. og verður upphæðin færð á fræðslusvið.

Framlögð umsókn Skógræktarfélags Borgarfjarðar um styrk 2015. Byggðarráð sér sér ekki fært að verða við erindinu.

Framlögð beiðni Veiðifélags Langár um framlag til vegagerðar. Byggðarráð samþykkir að vísa erindinu til Umhverfis - og skipulagssviðs.