Byggðarráð Borgarbyggðar

Lagður fram samanburður við fjárhagsáætlun um rekstur janúar - apríl 2016. Eiríkur Ólafsson fjármálastjóri sat fundinn undir þessum lið. Fór hann yfir stöðu fjármála fyrstu fjóra mánuði ársins. Í heild er staðan mjög nálægt áætlun að teknu tilliti til óreglulegra liða. Gæta þarf vel að þróun launakostnaðar.

Fylgiskjal: Frávikagreining

Lagt fram yfirlit um styrki til greiðslu fasteignaskatta 2016 í samræmi við reglur Borgarbyggðar. Eiríkur Ólafsson sat fundinn undir þessum lið.

Fylgiskjal: Yfirlit um styrki.

Framlagt aðalfundarboð á fund Veiðifélags Norðurár. Byggðarráð samþykkir að Kristján Axelsson í Bakkakoti verði fulltrúi sveitarfélagsins á aðalfundinum.

Fylgiskjal: Fundarboð

Framlagt bréf Þorsteins Mána Árnasonar varðandi drátt á afgreiðslu erindis. Lulu Munk Andersen skipulags - og byggingarfulltrúi sat fundinn undir þessum lið. Byggðarráð harmar þann drátt sem orðið hefur, sökum mikilla anna, á formlegu svari og felur sveitartjóra að vinna að svari og ennfremur að ræða við bréfritara. Ennfremur óskar byggðarráð eftir yfirliti yfir erindi sem bréfritari hefur sent til sveitarfélagsins og afgreiðslu þeirra.

Fylgiskjal: Bréf Þorsteins Mána

Framlögð fundargerð 385. fundar Hafnasambands Íslands.

Fundargerð 146. fundar stjórnar Faxaflóahafnar sf. lögð fram.

Lagt fram erindisbréf vinnuhóps um plastpokalausa Borgarbyggð. Samþykkt að tilnefna Björk Jóhannsdóttur, Sigríði Júlíu Brynleifsdóttur og Þorstein Eyþórsson í vinnuhópinn.

Fylgiskjal: Erindisbréf

Lagt fram breytt erindisbréf vinnuhóps um stefnu varðandi þjónustu við ferðamenn. Byggðarráð samþykkir erindisbréfið með þeirri breytingu að sveitarstjóri starfar með vinnuhópnum. Skipan vinnuhóps er frestað þar til tilnefningar liggja fyrir.

Fylgiskjal: Erindisbréf

Bjarni Guðmundsson og Ragnhildur Helga Jónsdóttir frá Landbúnaðarsafni Íslands komu á fundinn og fóru yfir málefni safnsins. Aðsókn að safninu hefur aukist og náði heildarfjöldi gesta 5000 á síðasta ári. Lýstu þau þeim möguleikum sem gömlu húsin á Hvanneyri og friðlandið geta falið í sér. Færði Bjarni sveitarfélaginu að gjöf tvær bækur sem safnið hefur gefið út, frá Hestum til hestafla og Íslenskir sláttuhættir, ennfremur ritið Nýting flæðiengja í Borgarfirði. Byggðarráð þakkar fróðlega kynningu og góðar gjafir. Byggðarráð samþykkir að endurskoða samning sveitarfélagsins við Landbúnaðarsafnið í aðdraganda næstu fjárhagsáætlunar.

Framlagt erindi frá stjórn Saga jarðvangur um tilnefningu í stjórn. Byggðarráð samþykkir að tilnefna Gunnlaug A Júliusson og Huldu Hrönn Sigurðardóttur í stjórn Saga jarðvangs.

Fylgiskjal: Erindi frá Saga jarðvangur

Framlögð gögn er varða malbikun Kveldúlfsgötu. Með tilvísun í innkaupareglur er verkið útboðsskylt og samþykkir byggðarráð að hefja útboðsferli svo fljótt sem verða má.

Framlagt bréf Samtaka sveitarfélaga á Vesturlandi varðandi almenningssamgöngur. Byggðarráð samþykkir að vísa erindinu til vinnuhóps um almenningssamgöngur.

Framlagt frá Umhverfis- og samgöngunefnd Alþingis til umsagnar frumvarp til laga um timbur og timburvöru, 785. mál.

Framlagt bréf Vinnumálastofnunar varðandi vinnu barna og unglinga.

Erindi Golfklúbbs Borgarness um rekstrarstyrk. Byggðarráð samþykkir að hafna erindinu þar sem styrkur vegna ársins hefur þegar verið greiddur.

Framlögð fundargerð byggingarnefndar Grunnskólans í Borgarnesi dags. 31.5.2016

Framlagt svar við gagntilboði Borgarbyggðar, að upphæð 16,2 millj. við tilboði í Árberg 4. Hefur því tilboði verið tekið. Byggðarráð samþykkir söluna.