Byggðarráð Borgarbyggðar

Framlagðir tölvupóstar frá Reginn Grímssyni f.h. Fibra hópsins. Byggðarráð fagnar áhuga fyrirtækisins á því að hefja starfsemi í sveitarfélaginu felur svetarstjóra að vera áfram í sambandi við bréfritara.

Lagðir fram útreikningar að skiptingu milli málaflokka í rekstraráætlun 2017 að teknu tilliti til fyrirsjáanlegra launa - og verðlagsbreytinga.

Fundargerð 841. fundar stjórnar sambandsins framlögð.

Framlögð úttekt Sameinuðu þjóðanna á stöðu mannréttinda í aðildarríkjunum.

Lagður fram viðauki við samkomulag milli Borgarbyggðar og Menntaskóla Borgarfjarðar um umsýslu með útleigu á húsnæðinu að Borgarbraut 54. Byggðarráð samþykkir samkomulagið.

Framlagt tölvubréf frá Guðbrandi Brynjúlfssyni Brúarlandi varðandi útbreiðslu skógarkerfils. Byggðarráð þakkar bréfið og samþykkir eftirfarandi:

"Sveitarfélaginu hefur borist ábending um hvaða afleiðingar það getur haft í för með sér ef kerfill nær að dreifa óhindrað úr sér innan sveitarfélagsins. Byggðaráð deilir þessum áhyggjum og telur brýnt að brugðist sé við þessari þróun áður en hún verður illviðráðanleg. Það er hins vegar ekki á valdi sveitarfélagsins að stöðva þessa þróun heldur er hér um að ræða samfélagslegt verkefni íbúa og félagasamtaka í sveitarfélaginu. Byggðaráð skorar því á alla þá sem málið varðar, hvort sem er um að ræða einstaklinga eða félagasamtök að taka höndum saman og leggja sitt af mörkum til að uppræta kerfilinn þar sem mögulegt er og leggja þannig sitt af mörkum til að hindra að þessi jurt nái frekari útbreiðslu í sveitarfélaginu en orðið er. Sveitarfélagið mun birta nánari upplýsingar á heimasíðu sinni um málið."

Framlögð auglýsing frá Orkusjóði vegna styrkja til uppbyggingar á innviðum fyrir rafbíla.

Lagður fram samningur um styrk frá Minjastofnun til framkvæmda við Grímshús að upphæð 7 millj. kr. Byggðarráð lýsir ánægju sinni með aðkomu Minjastofnunar að endurgerð hússins.

Framlögð auglýsing frá Minjastofnun um styrki til að undirbúa verndarsvæði í byggð. Byggðarráð samþykkir að vísa auglýsingunni til umhverfis - skipulags - og landbúnaðarnefndar.

Framlögð beiðni frá sóknarnefnd Reykholtskirkju um styrk vegna 20 ára afmælis kirkjunnar. Byggðarráð sér sér ekki fært að verða við erindinu.

Framlögð fundargerð 147. fundar stjórnar Faxaflóahafna.

Framlögð drög að reglum um gistingu í Borgarbyggð utan skipulagðra tjaldsvæða. Byggðarráð samþykkir að vísa þessum lið til umfjöllunar í umhverfis - skipulags - og landbúnaðarnefndar.

Framlagt bréf Ikan ehf. varðandi niðurstöðu Umboðsmanns Alþingis. Byggðarráð samþykkir að fela sveitarstjóra að svara bréfritara. Byggðarráð tekur alvarlega þær ábendingar sem koma fram í bréfi Umboðsmanns Alþingis frá 21. júní sem snúa að málshraða og afgreiðslu mála. Sveitarstjóra falið að yfirfara verkferla við afgreiðslu erinda og leggja fram minnisblað fyrir byggðarráð í ágúst.

Framlögð umsókn um stofnun lóðar, Grímarsstaðir 5, úr landi Grímarsstaða. Byggðarráð samþykkir að lóðin verði stofnuð.

Fundargerðin lögð fram til afgreiðslu eins og einstök erindi bera með sér.