Byggðarráð Borgarbyggðar

Fjárhagsáætlun 2017 - Undirbúningur fyrir 1. umræðu um fjárhagsáætlun í sveitarstjórn.
Eiríkur Ólafsson, sviðsstjóri fjármála- og stjórnsýslusviðs sat fundinn undir þessum lið og skýrði framlögð gögn. Byggðarráð samþykkti að vísa fjárhagsáætlun til fyrri umræðu.

Lögð fram drög að gögnum fyrir útboð á tryggingum sveitarfélagsins. Eiríkur Ólafsson, sviðsstjóri fjármála- og stjórnsýslusviðs sat fundinn undir þessum lið og skýrði framlögð gögn. Byggðarráð samþykkti að láta fara fram útboð á tryggingum sveitarfélagsins á þeim grunni sem kynntur var.

Framlagt erindi dags. 25.10.2016 frá Sigríði Þóru Óðinsdóttur Skeggjagötu 15, 105 Reykjavík og Sigursteini Sigurðssyni f.h. Plan B - listahátíð varðandi hluta sláturhússins í Brákarey þar sem óskað er eftir samstarfi við Borgarbyggð um að vinna að samkomulagi um notkun hússins fyrir menningarstarfsemi og skapandi greinar. Byggðarráð samþykkti að fela sveitarstjóra að ræða við bréfritara um hugmyndir þeirra um nýtingu á umbeðnu rými.

Framlagt erindi dags. 26.10.2016 frá Kjartani Ragnarssyni Hamravík 18, 310 Borgarnesi, Björgunarsveitinni Brák og Hollvinasamtökum Borgarness um styrk til nýsköpunarverkefnis. Verkefnið snýst um að hanna og smíða flatbotna bát til siglinga með ferðafólk.
Byggðarráð finnst hugmyndin allrar athygli verð en sér sér ekki fært að leggja verkefninu til fjármagn.

Niðurstöður sameiginlegs útboðs Akranesskaupstaðar og Borgarbyggðar á sorphirðu í sveitarfélögunum voru lagðar fram og ræddar. Bæjarráð Akraneskaupstaðar samþykkti á fundi sínum sl. föstudag að hafna báðum tilboðunum. Borist hafa mótmæli við þeirri ákvörðun. Umhverfis-, skipulags- og landbúnaðarnefnd Borgarbyggðar samþykkti einnig á fundi sínum þann 2. nóvember að hafna fyrirliggjandi tilboðum þar sem þau eru verulega hærri en kostnaðaráætlun gerði ráð fyrir. Byggðarráð ræddi þá stöðu sem komin er upp í málinu.

Framlögð umsókn Gunnars Halldórssonar kt: 191177-3719 Arnbjörgum 311 Borgarbyggð, dags. 31.10.2016, um tvo ljósastaura við lögbýli sitt. Byggðaráð samþykkti erindið samkvæmt gildandi reglum þar um.

Framlagt erindi frá Önnu Magneu Hreinsdóttur, dags. 31. Október 2016 um tilboð í 20 tveggja ára gömul spinninghjól fyrir þreksal í íþróttamiðstöð. Verð þeirra er 1.000.000 krónur. Byggðarráð samþykkti erindið.

Rætt um tillögur um ráðningarnefnd fyrir sveitarfélagið. Byggðaráð samþykkti að fela sveitarstjóra að móta tillögur um verklag fyrir ráðningarnefnd. Markmiðið með því að setja á stofn ráðningarnefnd er að tryggja að allar nýráðningar séu vel ígrundaðar og í samræmi við fjárhagsáætlun.

Framlögð umsókn Borgarbyggðar til Embættis landlæknis um þátttöku í verkefninu Heilsueflandi sveitarfélög ásamt níu skilgreindum markmiðum. Byggðarráð samþykkti að leggja umsóknina fram.

Framlögð skýrsla um verkefnið Sumarlist 2016 frá Signý Óskarsdóttur og Michelle Bird. Byggðarráð þakkaði skýrsluna og lýsti ánægju sinni með verkefnið Sumarlist 2016.

Byggðarráð fór yfir drög að umsögn við Samgönguáætlun Vesturlands 2017 - 2029. Byggðarráð samþykkti umsögnina með áorðnum breytingum.