Byggðarráð Borgarbyggðar

Lagt fram yfirlit um rekstur Borgarbyggðar yfir tímabilið jan-okt ásamt samanburði við fjárhagsáætlun 2016. Helstu niðurstöður eru að heildarniðurstaða er innan áætlunar þó launaliðir fari 4% umfram áætlun. Eiríkur Ólafsson, sviðsstjóri stjórnsýslu- og fjármálasviðs, sat fundinn undir þessum lið og skýrði framlagðar upplýsingar.

Lögð fram drög að samningi um heildartryggingar sveitarfélagsins við VÍS. VÍS var lægstbjóðandi í tryggingar Borgarbyggðar í opnu útboði fyrr í haust. Eiríkur Ólafsson, sviðsstjóri stjórnsýslu- og fjármálasviðs, sat fundinn undir þessum lið og skýrði framlögð drög að samningi. Byggðarráð samþykkti að ganga frá samningi við VÍS á framlögðum forsendum. Samningurinn gildir í tvö ár frá og með 1. jan. 2017 með sex mánaða uppsagnarfresti.

Framlögð ályktun dags 19.12.2016 frá kennurum Tónlistarskóla Borgarfjarðar varðandi stöðuna í kjaramálum tónlistarkennara. Samningsumboð sveitarfélagsins varðandi þennan kjarasamning liggur hjá Sambandi íslenskra sveitarfélaga eins og í öðrum kjarasamningum sem gerðir eru á vegum sveitarfélagsins. Byggðarráð lýsir yfir áhyggjum yfir þeirri stöðu sem er uppi í þessum kjaraviðræðum og bindur vonir við að samningsaðilar nái að semja um niðurstöðu í viðræðunum hið fyrsta.

Rætt um stöðu mála er varðar hönnun viðbyggingar við Grunnskólans í Borgarnesi. Anna Magnea fræðslustjóri sat fundinn undir þessum lið (óvíst um aðra). Hún skýrði frá upplýsingum um stöðu verksins og kynnti teikningar þar að lútandi sem lagðar voru fram á fundi byggingarnefndar þann 19. des. sl. Fram kom að unnið er að undirbúningi samnings um byggingareftirlit vegna verksins við VERKÍS.