Byggðarráð Borgarbyggðar

Lögð fram samantekt, sem Eiríkur Ólafsson, sviðsstjóri fjármála- og stjórnsýslusviðs hefur unnið, um þróun ýmissa greiðslna fyrir störf að sveitarstjórnarmálum í Borgarbyggð á liðnum árum. Samantektin var gerð í tengslum við umræðu um þróun launakjara sveitarstjórnarmanna í framhaldi af niðurstöðu kjararáðs frá því í október sl. Laun sveitarstjórnarmanna taka mið af þingfararkaupi, nú 14%. Byggðarráð ræddi niðurstöður samantektarinnar og fól sveitarstjóra að afla frekari upplýsinga hjá öðrum sveitarfélögum fyrir næsta fund. Eiríkur Ólafsson, sviðsstjóri fjármála- og stjórnsýslusviðs sat fundinn undir þessum lið.

Lagt fram yfirlit um greiðslur frá Jöfnunarsjóði sveitarfélaga sem barst þann 30. des. Sl. Framlag til Borgarbyggðar eykst um 130 millj vegna hækkunar útgjaldajöfnunarframlaga og um 10 millj. vegna framlags til jöfnunar á tekjutapi vegna fasteignaskatts. Eiríkur Ólafsson, sviðsstjóri fjármála- og stjórnsýslusviðs sat fundinn undir þessum lið og skýrði út ýmislegt sem varðaði samskipti við JS og hvernig greiðslur sjóðsins eru reiknaðar út. Sviðsstjóra fjármála - og stjórnsýslusviðs var falið að skoða möguleika á innágreiðslu lána í ljósi bættrar lausafjárstöðu.

Byggðarráð samþykkti auglýsinguna með áorðnum breytingum.

Lagt fram bréf Umboðsmanns Alþingis dags. 28. Des. 2016 þar sem hann tilkynnir að afskiptum embættisins af máli nr. 9136/2016 sem varðar samskipti Borgarbyggðar og IKAN ehf sé lokið eftir að embættinu bárust afrit af viðbrögðum sveitarfélagsins.

Lögð fram skýrsla slökkvistjóra Borgarbyggðar um yfirlit um útköll slökkviliðsins á árinu 2016. Byggðarráð þakkar greinargóða skýrslu.

Framtíðarsýn og markmiðssetning fyrir Borgarbyggð. Formaður byggðarráðs opnaði umræðu um stefnumörkun, markmiðssetningu og skipulag fyrir Borgarbyggð til lengri framtíðar. Byggðarráð ræddi framkomnar hugmyndir og ákvað að visa málinu til áframhaldandi vinnu innan sveitarstjórnar.

Framlögð ódagsett umsókn Elísabetar H. Pálsdóttur, kt. 250562-4389 um stofnun lóðar úr landi Ásgarðs fnr. 221045, Leynigarður. Byggðarráð samþykkti erindið.

Framlögð ódagsett umsókn Elísabetar H. Pálsdóttur, kt. 250562-4389 um stofnun lóðar úr landi Ásgarðs fnr. 221045, Galdragarður. Byggðarráð samþykkti erindið.

Framlögð ódagsett umsókn Elísabetar H. Pálsdóttur, kt. 250562-4389 um stofnun lóðar úr landi Ásgarðs fnr. 221045, Dvergasteinn. Byggðarráð samþykkti erindið.