Byggðarráð Borgarbyggðar

Eiríkur Ólafsson, sviðsstjóri fjármála- og stjórnsýslusviðs lagði fram samanburð á rekstrarkostnaði sveitarfélagsins fyrstu sex mánuði ársins við fjárhagsáætlun fyrir sama tímabil.
Rekstrarkostnaður er heldur minni en áætlun gerir ráð fyrir. Byggðarráð leggur áherslu á að eftirlit með rekstri sé stöðugt og virkt.

Bjarni Kr. Þorsteinsson slökkviliðsstjóri mætti til fundarins. Hann fór yfir ýmis mál sem varða verkefni og starfsemi slökkviliðsins, bæði hvað varðar verkefni innan Borgarbyggðar svo og sem varðar samstarf um þjónustu slökkviliðsins við nágrannasveitarfélög. Nauðsynlegt sé að huga að stefnumótun í ýmsum málum til næstu ára.
Byggðarráð ræddi framkomnar upplýsingar.

Lögð fram beiðni OR dags. 19.07. 2017 um einfalda hlutfallslega eigendaábyrgð Borgarbyggðar í samræmi við eignarhlut sveitarfélagsins í Orkuveitu Reykjavíkur. Óskað er eftir ábyrgðinni í tengslum við umsókn til OR um styrk frá ESB til vísindaverkefna. Ábyrgð Borgarbyggðar vegna þessa verkefnis mun nema rúmlega 5.000 Evrum.
Byggðarráð samþykkti erindið.

Lögð fram tilkynning um nýtt fasteignamat frá Þjóðskrá. Samkvæmt matinu hækkar almennt fasteignamat milli ára í Borgarbyggð um 16,4% og lóðamat um 41,4%.
Byggðarráð ítrekar fyrri bókun um að skattbyrði á íbúðarhúsnæði hækki ekki þrátt fyrir hækkun fasteignamatsins.

Lagt fram erindi íbúa átta húsa við Stöðulsholt (22-36), dags. 6. júlí 2017, þar sem óskað er eftir því að reistur sé skjólveggur/hljóðmúr fyrir aftan götuna Hrafnaklettsmegin.
Byggðarráð vísaði erindinu til umhverfis- og skipulagssviðs til umfjöllunar.

Lagt fram erindi Skógræktar ríkisins, dags. 20. júlí 2017, þar sem tilkynnt er um gerð skógræktarsamnings á jörðinni Rauðsgil, lnr. 134509, í Borgarbyggð. Samningurinn tekur til 53 ha lands og er samliggjandi landi skv. eldri skógræktarsamningi og skógræktarsvæði á samliggjandi jörð.
Vísað til umhverfis-, skipulags- og landbúnaðarnefndar.

Framlögð beiðni Ingvars Þórs Jóhannssonar, kt. 230571-5709 og Jóhönnu Erlu Jónsdóttur, kt. 250974-4699, til heimilis að Hlöðutúni, þar sem óskað er eftir umsögn sveitarstjórnar um stöfnun lögbýlis að Hvítárholti 2. Með fylgir afrit af þinglýstum kaupsamning.
Byggðarráð samþykkti að gefa jákvæða umsögn um erindið.

Lagður fram nýr lóðarleigusamningur Borgarbyggðar við Sædísi Guðlaugsdóttur, kt. 240663-7169, dags. 26. júlí 2017, v. gróðrarstöðvarinnar „Gleym mér ei“.
Byggðarráð samþykkti samninginn.

Lagðir fram samningar milli Borgarbyggðar og Sigríðar Óðinsdóttur, kt. 030981-5129, um afnot af Óðali og félagsheimilinu Valfelli vegna undirbúnings að listahátíðinni Plan B.
Byggðarráð samþykkti samningana og veitir Plan B styrk sem nemur sömu upphæð og leigugjald er fyrir afnot af Óðali og Valfelli þann tíma sem samið er um afnot Plan B af þeim.

Til fundarins mætti Guðrún Hilmisdóttir verkefnastjóri. Hún gaf yfirlit um framkvæmd stærri viðhaldsmála það sem af er árinu og hvað er framundan í þeim efnum.

Lagðir fram samningar um skólaakstur á árunum 2017-2021.

Lögð fram umsókn Skútu ehf um stofnun 1,97 ha lóðar úr landi Hallkelsstaðahlíðar lnr. 136048. Lóðin fær nafnið Steinholt 2.
Byggðarráð samþykkti að lóðin verði stofnuð.

Lagt fram bréf Evu Láru Vilhjálmsdóttur dags. 02.08.'17 varðandi kjaramál.
Byggðarráð samþykkti að fela sveitarstjóra að afla frekari upplýsinga varðandi málið.

Lögð fram fundargerð byggingarnefndar Grunnskólans í Borgarnesi frá 31. júlí s.l.