Byggðarráð Borgarbyggðar

Tekin til umræðu lóðamál við Borgarbraut 55 og lagning götu að bílastæðum á baklóð Borgarbrautar 57 og 59. Til fundarins mættu Þórir Haraldsson forstjóri Líflands, Þórarinn V. Þórarinsson stjórnarmaður og Sigurður Einarsson frá Bifreiðaþjónustu Harðar. Rætt um mál Borgarbrautar 55. Niðurstaða fundarins var að halda viðræðum áfram og stefna að fundi í næstu viku.

Framlagt minnisblað sviðsstjóra fjölskyldusviðs, dags. 19. Júní 2018, varðandi fyrirkomulag mötuneytismála á Hvanneyri. Anna Magnea Hreinsdóttir, sviðsstjóri fjölskyldusviðs, sat fundinn undir þessum lið. Byggðarráð samþykkti að fela sviðsstjóra að skoða leiðir og kostnað við flutning á mat milli stofnana áður en endanleg ákvörðun verður tekin.

Framlagður tölvupóstur frá Ferðaþjónustunni Húsafelli svohljóðandi „Það tilkynnist hér með að Ferðaþjónustan Húsafelli ehf hefur dregið til baka áform sín um rekstur ljósleiðaranets á svæðinu Reykholtsdalur Hálsasveit og Hvítársíða. Við munum hins vegar leggja streng frá Reykholti að Húsafelli til afnota fyrir Húsafellssvæðið.

Í streng okkar verður nægilegur forði til að tengja við bæi austan Reykholts óski Borgarbyggð eftir því síðar að fá afnot af þráðum til tengingar við eigið kerfi.“

Byggðarráð þakkar póstinn og felur sveitarstjóra og Guðmundi Daníelssyni að kanna möguleika á samstarfi sem vísað er til í póstinum.

Framlagt bréf skólastjórnenda í Grunnskólanum í Borgarnesi með beiðni um fjármagn til húsbúnaðarkaupa í tengslum við endurbætur á húsnæði skólans. Anna Magnea Hreinsdóttir, sviðsstjóri fjölskyldusviðs, sat fundinn undir þessum lið. Byggðarráð samþykkti að vísa erindinu til meðferðar sviðsstjóra fjölskyldusviðs.

Framlagt bréf félags frístundasvæðis í Þórdísarbyggð, dags. 25. Júní 2018, varðandi þjónustu sveitarfélagsins við veg að frístundahúsasvæðinu. Sviðsstjóri umhverfis- og skipulagssviðs hefur farið yfir málið með hlutaðeigandi. Ekki liggur fyrir enn hvaða fjármagn kemur frá Vegagerðinni til verkefna af þessu tagi. Byggðarráð samþykkt að vísa úrvinnslu málsins til sviðsstjóra Umhverfis- og skipulagssviðs.

Framlögð tillaga Lögreglustjórans á Vesturlandi, dags. 21. Júní 2018, um lækkun hámarkshraða á neðri hluta Borgarbrautar úr 50 km hraða í 30 km. hraða frá gatnamótum Þorsteinsgötu/Böðvarsgötu að gatnamótum við Egilsgötu. Byggðarráð tekur jákvætt í erindið og felur sviðsstjóra umhverfis - og skipulagssviðs að vinna áfram að málinu í samstarfi við vegagerðina. Byggðarráð telur mikilvægt að bæta öryggi á umræddum vegarkafla og skoða í því sambandi merkingar um öryggi vegfarenda.

Framlögð drög að persónuverndarstefnu Borgarbyggðar. Persónuverndarfulltrúi kynnti drögin. Byggðarráð samþykkti fyrirliggjandi drög og vísaði þeim til endanlegrar afgreiðslu sveitarstjórnar.

Framlögð kynning á námsferð á vegum Sambands íslenskra sveitarfélaga til Danmerkur dagana 2 - 6. sept. n.k. Sveitarstjóri lagði til að sviðsstjóri stjórnsýslu- og fjármálasviðs tæki þátt í ferðinni. Byggðarráð samþykkti það og einnig að kanna möguleika á því að einn kjörinn fulltrúi taki þátt í ferðinni.

Framlagt fundarboð, dags. 20. Júní 2018, á aðalfund Orkuveitu Reykjavíkur, sem haldinn verður þann 28. Júní 2018, ásamt fyrirliggjandi tillögum. Byggðarráð samþykkti að sveitarstjóri sæti fundinn fyrir hönd sveitarfélagsins.