Byggðarráð Borgarbyggðar

Framlögð áætlun sveitarstjóra um fundi byggðarráðs og sveitarstjórnar sumarið 2019.
Sveitarstjórn fundar ekki í júlí. Fundur sveitarstjórnar í ágúst verði haldinn þann 15. ágúst. Byggðarráð fundar á eftirfarandi dögum í júlí: 11. júlí og 25. júlí. Byggðarráð hefur heimild til fullnaðarafgreiðslu mála í júlí.
Byggðarráð samþykkti áætlunina og leggur hana fyrir sveitarstjórn Borgarbyggðar til staðfestingar.

Framlagt bréf lóðarhafa vegna gatnagerðargjalda þar sem óskað ef eftir að nýleg ákvæði um lækkun gatnagerðargjalda nái einnig yfir lóð sem úthlutað var haustið 2018.
Byggðarráð óskar eftir frekari upplýsingum frá Umhverfis- og skipulagssviði.

Framlögð umsókn sviðsstjóra umhverfis - og skipulagssviðs Borgarbyggðar, dags. 24. maí 2019, um framkvæmdaleyfi vegna gatnagerðar í Bjargslandi.
Byggðarráð samþykkti framkvæmdaleyfið og leggur þá ákvörðun fyrir sveitarstjórn Borgarbyggðar til staðfestingar.

Framlagt til kynningar bréf ÚUA, dags. 24. Maí 2019, þar sem tilkynnt er um kæru Ásgeirs Sæmundssonar, f.h. Sæmundar Ásgeirssonar, vegna samþykktar sveitarstjórnar Borgarbyggðar þann 9. maí 2019 á útgáfu byggingafulltrúa Borgarbyggðar á byggingarleyfi fyrir Legsteinaskála, Bæjargili í landi Húsafells.
Byggðarráð samþykkir að fela Ómari Jóhannessyni lögmanni hjá Pacta lögmönnum að vinna áfram að málinu.

Framlögð drög að samkomulagi milli Borgarbyggðar og RARIK ohf. kt. 520269-2669 um framkvæmdaleyfi til að setja niður jarðstrengi í landi Varmalands, landnúmer 134934,.
Byggðarráð samþykkir samkomulagið, gefur út framkvæmdaleyfi vegna verksins og leggur þá ákvörðun fyrir sveitarstjórn Borgarbyggðar til staðfestingar.

Framlagður samningur, dags. 28. maí 2019, milli Borgarbyggðar og Gagnaveitu Reykjavíkur um lagningu ljósleiðara í Andakíl (1. áfanga í útboðsgögnum) samanber skilmála útboðsgagna Eflu um verkið frá mars 2019. Umsamin fjárhæð er 4.267.016.- kr.
Byggðarráð samþykkir samninginn og leggur þá afgreiðslu fyrir sveitarstjórn til staðfestingar.

Framlagt minnisblað, dags. 27. maí 2019, frá Guðmundi Daníelssyni vegna samstarfs við Ferðaþjónustuna í Húsafelli (FH) um ljósleiðara. Með minnisblaðinu fylgir kort af afmörkun svæðisins og helstu lagnaleiðum. Í minnisblaðinu er rakið upphaf samstarfs ferðaþjónustunnar Húsafelli og Borgarbyggðar um lagningu á ljósleiðarastreng frá Reykholti að Húsafelli. Jafnframt miðaði samstarfið að því að leggja ljósleiðara út frá þeim streng til íbúa og stofnana í nágrenninu þ.m.t. að grunnskólanum á Kleppjárnsreykjum. Framlögð tillaga miðar að því að semja við FH um að tengja saman þær röralagnir sem fyrir eru í jörðu og leggja rör að þeim heimilum sem eru á umræddum leiðum. Blástur á ljósleiðarastrengjum og frágangur ljósleiðara inni á heimilum og öðrum tengistöðum verður unnið innan verksamnings Borgarbyggðar og SH leiðarans. FH sér um undirbúning framkvæmda, öflun leyfa vegna framkvæmda og tekur að sér að kynna verkefnið á umræddu svæði, velja lagnaleiðir í samráði við landeigendur og taka á móti umsóknum frá notendum í samráði við fulltrúa Borgarbyggðar. Markmið aðila með samningi þessum er að fyrrgreindum framkvæmdum verði lokið í ágúst 2019 þó þannig að mannvirki á Húsafelli og að grunnskólanum á Kleppjárnsreykjum verði tengd við ljósleiðara áður en skólasetning fer fram fyrir skólaárið 2019/2020. Tengistaðir á svæðinu eru áætlaðir 136 og kostnaður Borgarbyggðar vegna samkomulags þessa er áætlaður 27 m.kr. auk virðisaukaskatts.
Byggðarráð samþykkir fyrrgreinda tillögu að samkomulagi milli Borgarbyggðar og Ferðaþjónustunnar Húsafelli um lagningu ljósleiðara í Reykholtsdal og Hálsasveit og leggur þá ákvörðun fyrir sveitarstjórn Borgarbyggðar til staðfestingar.

Framlagt til kynningar erindi UNICEF á Íslandi varðandi aðgerðir gegn vanrækslu og ofbeldi gegn börnum þar sem grunur er um að það sé fyrir hendi.
Byggðarráð fagnar erindi UNICEF og leggur til við hlutaðeigandi starfsmenn og nefndir Borgarbyggðar að tekið verði mið af þeim áherslum sem koma fram í yfirliti UNICEF í starfsemi sveitarfélagsins þar sem það á við. Erindinu vísað til velferðarnefndar.

Lagt fram yfirlit um íbúafundi sem haldnir verða í byrjun júní. Þeir verða haldnir í Hjálmakletti þann 3. júní, Logalandi þann 4. júní og Lindartungu þann 5. júní. Allir fundirnir hefjast kl. 20:00.

Framlögð skýrsla Umhverfisstofnunar um stjórnunar - og verndaráætlun fyrir Verndarsvæði Andakíl. Skýrslan er unnin af samstarfshóp sem skipaður var fulltrúum Borgarbyggðar, LBHÍ, landeigenda innan verndarsvæðisins og Umhverfisstofnunar. Leiðarljós fyrir áætlun Andakíls er að standa vörð um einstakt verndarsvæði fugla sem er mikilvægur hlekkur í keðju lífssvæða fugla á heimsvísu. Náttúrulegir ferlar skulu vera ríkjandi í sátt við nýtingu mannsins á svæðinu.
Byggðarráð þakkaði skýrsluna og lýsti ánægju sinni með þá stefnumörkun varðandi Friðlandið í Andakíl sem kemur fram í henni.

Framlögð skýrsla sem Verkís ehf gerði fyrir Vegagerðina varðandi umferðaröryggi í gegn um Borgarnes.
Byggðarráð þakkaði skýrsluna og vísar henni til umfjöllunar í umferðaröryggishóp Borgarbyggðar.

Framlagt fundarboð á aðalfund Faxaflóahafna sf. þann 21. júní n.k.
Byggðarráð felur sveitarstjóra að sækja aðalfund Faxaflóahafna fyrir hönd Borgarbyggðar og leggur þá ákvörðun fyrir sveitarstjórn Borgarbyggðar til staðfestingar.