Byggðarráð Borgarbyggðar

Á fundinn mættu Ólafur Adolfsson formaður heilbrigðisnefndar Vesturlands og Helgi Helgason framkvæmdastjóri Heilbrigðiseftirlits Vesturlands til viðræðna um beiðni um aukið framlag frá sveitarfélögum til Heilbrigðiseftirlitsins á árinu 2019. Einnig rætt um starfsemi og mögulega stofnun starfshóps um framtíðarsýn eftirlitsins. Byggðarráð samþykkir framkomna beiðni að upphæð kr. 2.306 þús. og vísar til gerðar viðauka við fjárhagsáætlun 2019.

Lagt fram bréf Heilbrigðiseftirlits Vesturlands um fjárframlag á árinu 2020.
Vísað til gerðar fjárhagsáætlunar 2020.

Lagt fram yfirlit um gjaldskrár á árinu 2020. Almennt hækka gjaldskrár ekki meira en 2,5% nema þær sem eru bundnar vísitölum. Gert er ráð fyrir að fasteignaskattur í a-flokki lækki úr 0,40% í 0,36%.
Rætt um áætlun um framkvæmdir og fjárfestingar á árunum 2020 - 2023. Sérstaklega rætt um framkvæmdir við Grunnskóla Borgarfjarðar á Kleppjárnsreykjum þar sem nýjar upplýsingar um ástand hússins hafa komið fram. Ragnar Frank sviðsstjóri sat fundinn meðan framkvæmdaáætlun var rædd.

Á fundinn mætti Guðmundur Daníelsson til viðræðna um lagningu ljósleiðara í Borgarbyggð og fór hann yfir stöðu verkefnisins.
Samþykkt var að semja við Heflun ehf breytingu á greiðslufyrirkomulagi vegna jarðvinnuhluta í áföngum 2 og 3 svo hægt sé að ljúka þeim sem fyrst.

Lagt fram bréf Heflunar ehf dags. 14.11.19 varðandi samning um ljósleiðara í Borgarbyggð. Í bréfinu er áréttuð aðkoma félagsins að verkefninu.

Lagt fram bréf Kærunefndar útboðsmála dags. 13.11.2019 þar sem tilkynnt er að Vátryggingafélag Íslands hafi kært útboð Borgarbyggðar á vátryggingum sveitarfélagsins. Gerð er krafa um að útboðið verði stöðvað þar til búið er að taka afstöðu til kærunnar.
Samþykkt að fela sviðsstjóra fjármála- og stjórnsýslusviðs að svara erindinu.

Lagt fram bréf Samgöngu- og sveitarstjórnarráðuneytisins dags. 13.11.’19 varðandi álagningu vatnsgjalds og arð af starfseminni en sveitarfélögum er óheimilt að greiða sér arð úr rekstri vatnsveitna.

Lagður fram dómur Landsréttar í máli Húss og lóða ehf gegn Borgarbyggð þar sem farið er fram á bætur vegna tjóns sem félagið telur sig hafa orðið fyrir vegna tafa við byggingu á lóðunum að Borgarbraut 57 og 59. Dómi Héraðsdóms Vesturlands var áfrýjað til Landsréttar.
Dómur Landsréttar er að Borgarbyggð er sýknuð af öllum kröfum Hús & lóða ehf og kröfu um greiðslu málskostnaðar.

Lagt fram bréf frá Veitum dags. 08.11.’19 þar sem tilkynnt er um breytingu á skilmálum taxta vegna snjóbræðslu.
Samþykkt að fela umhverfis- og skipulagssviði að kanna hvort þetta hafi einhver áhrif fyrir Borgarbyggð.

Lagt fram erindi aðstanda viðburðarins Föstudagurinn dimmi sem halda á 17. Janúar n.k. þar sem óskað er aðkomu sveitarfélagsins að verkefninu.
Samþykkt að vísa erindinu til umfjöllunar í atvinnu-, markaðs- og menningarmálanefnd.

Rætt um hvaða ferli verði viðhaft við ráðningu sveitarstjóra. Samþykkt að afla verðhugmynda frá þremur ráðningarstofum vegna auglýsingarferlis og úrvinnslu við ráðningu sveitarstjóra. Eiríki Ólafssyni sviðsstjóra fjármála - og stjórnsýslusviðs falið að hafa samband við aðila.

Rætt um smölun heilmalanda eftir réttir og lagt fram erindi MAST dags. 11.11.’19 varðandi fjallskil.
Samþykkt að senda bréf á eigendur viðkomandi jarða og minna á skyldur landeigenda til þess að smala afbæjarfé.