Byggðarráð Borgarbyggðar

Byggðarráð felur sveitarstjóra að semja við eiganda húsnæðisins að Sólbakka 4, Borgarnesi um langtímaleigu á húsnæðinu, um nauðsynlegar endurbætur á húsnæðinu til þess að aðlaga það að starfsemi Öldunnar og áhaldahúss ásamt leigufjárhæð með fyrirvara um samþykki sveitarstjórnar.

Byggðarráð Borgarbyggðar fagnar hugmyndum um stofnun húsnæðissjálfseignar-stofnunar er starfi á landsbyggðinni. Markmiðið er að stuðla að uppbyggingu almennra íbúða þar sem þeirra er þörf á landsbyggðinni í þágu tekjulágra hópa á vinnumarkaði og þeirra hópa sem sveitarfélög bera sérstakar lagaskyldur gagnvart, meðal annars fólki með fötlun, í samstarfi við viðkomandi sveitarfélög. Byggðarráð Borgarbyggðar tekur vel í að stofnuð verði húsnæðissjálfseignarstofnun á landsbyggðinni og telur stofnun félagsins geta veitt þá kjölfestu sem þarf til, til að standa að uppbyggingu almennra íbúða.

Á 208. fundi sveitarstjórnar sem haldinn var 9. desember 2020 samþykkti sveitarfélagið að taka þátt í verkefninu um stafrænt ráð sveitarfélaga. Samstarfið er fjármagnað með skyldubundnu grunnframlagi þátttöku sveitarfélaga sem rennur fyrst og fremst til að standa undir launakostnaði sérfræðinga í stafrænu umbreytingarteymi sveitarfélaga og hins vegar með framlögum sveitarfélaganna til að að standa straum af þróun og kaupum á lausnum. Nú hefur verið ákveðið hvaða verkefni verið farið í á árinu 2022 og hvert framlag hvers sveitarfélags verður á árinu. Á árinu 2022 er áætlað fjármagn til samstarfsins tæplega 155 milljónir króna náist fullnægjandi þátttaka sveitarfélaganna og þar með er fjármögnun og þáttur Borgarbyggðar tæplega 2,5 milljónir króna. Sveitarfélög hafa tækifæri til 1. nóvember nk. til að taka ákvörðun um þátttöku.
Byggðarráð fagnar samstarfinu og telur þau verkefni sem áætlað er að ráðast í vera sveitarfélaginu og íbúum þess til hagsbóta. Byggðarráð samþykkir því þátttöku sveitarfélagsins á þeim forsendum að fyrirliggjandi útreikningar á kostnaðarþátttöku sveitarfélaganna verði óbreytt. Byggðarráð vísar verkefninu til fjárhagsáætlunargerðar vegna ársins 2022.

Byggðarráð felur sveitarstjóra að óska eftir hugmyndum að örnefnum á nýja fossinum við Langjökul og leggja fyrir byggðarráð til ákvarðanatöku.

Ákveðið hefur verið að fresta ungmennaþingi Vesturlands, sem fara átti fram um næstu helgi. Byggðarráð fagnar því að haldið verði sameiginlegt ungmennaþing Vesturlands. Markmiðið með þinginu er meðal annars að fá ungt fólk af öllu Vesturlandi saman, kjósa í ungmennaráð Vesturlands og stuðla að uppbyggingu í þágu ungs fólks á öllu Vesturlandi.

Ungmennaráð Borgarbyggðar var sett aftur af stað í síðustu viku, upplýsingar um stofnunina og beiðni um breytingar á erindisbréfi ungmennaráðs mun berast byggðarráði á næstu vikum. Gert er ráð fyrir að ungmenni úr ungmennaráði Borgarbyggðar mæti til fundarins.

Byggðarráð telur nauðsynlegt að endurnýja biðskýli í Borgarbyggð ásamt því að bæta öryggi og lýsingu og felur sveitarstjóra að vinna málið áfram, gera tillögur að áfangaskiptingu. Jafnframt sé framkomnum hugmyndum vísað til fræðslunefndar til umsagnar.

Hopp Akranesi hefur leitað til sveitarfélagsins með að stofna rafskútuleigu í Borgarnesi. Hopp er íslenskt fyrirtæki sem býður upp á leigu á rafskútum innan tiltekins þjónustusvæðis þar sem greitt er í gegnum smáforrit. Byggðarráð tekur jákvætt í erindið og felur sveitarstjóra að vinna að samningi við fyrirtækið og leggja fyrir byggðarráð.

Byggðarráð veitir samþykki sitt fyrir því að kortlagning gönguleiða í landi í eigu Borgarbyggðar sem í erindi Markaðsstofu Vesturlands eru nefnd Borgarnes, Einkunnir og Barnaborgir, verði nýttar til upplýsingagjafar og í kynningarstarfi á opinberum vettvangi.

Hollvinasamtök Borgarness óska eftir heimild Borgarbyggðar, sem landeiganda, til að setja upp upplýsingaskilti við Digranesgötu og Bjarnarbraut í Borgarnesi, setja upp Frisbee-golfvöll í miðbæ Borgarness og að nýta Suður-Klett, þar sem olíutankarnir voru staðsettir niðri við Brákarey sem útivistarsvæði með upplýsingum um ýmis atriði er tengjast Borgarnesi, loka svæði fyrir umferð o.fl.

Byggðarráð fagnar áhuga Hollvinasamtakana á verkefnum í þágu sveitarfélagsins, íbúa þess og gesta.
Byggðarráð vísar erindinu til umsagnar í skipulags- og byggingarnefnd.

Í bréfi Karls Björnssonar, framkvæmdastjóra Sambands íslenskra sveitarfélaga er sett fram viðmiðunarlaunatafla fyrir fulltrúa í sveitarstjórnum, út frá þingfararkaupi og fjölda íbúa hvers sveitarfélags. Viðmiðunarlaunataflan miðast við laun fyrir setu í sveitarstjórn án alls álags vegna oddvitastöðu í sveitarstjórn eða setu í nefndum sveitarfélagsins. Í bréfinu er tekið fram að það sé á hendi hverrar sveitarstjórnar hvort hún vilji nýta sér töfluna eða ekki. Einnig kemur fram í bréfinu að nota megi viðmiðunarlaunatöfluna við ákvörðun á launum fyrir setu í nefndum á vegum sveitarfélagsins, sem yrði þá að meta út frá vinnuframlagi hverrar nefndar. Samkvæmt upplýsingum úr íbúaskrá 18. október 2021 er íbúafjöldi í Borgarbyggð alls 3.849. Ef viðmiðunarlaunataflan væri nýtt væru mánaðarlegar launagreiðslur fyrir fulltrúa í sveitarstjórnum á bilinu kr. 190.443 - kr. 248.153.

Fyrir liggur að launagreiðslur til kjörinna fulltrúa í Borgarbyggð eru undir þessum viðmiðum. Byggðarráð felur sveitarstjóra að taka saman upplýsingar um greiðslur til kjörinna fulltrúa í Borgarbyggð og leggja fram tillögur um breytingar á launasamsetningu fyrir sveitarstjórnarfulltrúa og nefndarmenn.

Byggðarráð leggur til að Borgarbyggð tilnefni þrjá fulltrúa í starfshóp vegna Hringvegarins um Borgarnes, tveir starfsmenn og einn kjörinn fulltrúa. Guðný Elíasdóttur, deildarstjóra skipulags- og byggingardeildar, Þórdísi Sif Sigurðardóttur, sveitarstjóra og Lilju Björgu Ágústsdóttur, forseta sveitarstjórnar.

Byggðarráð vísar tillögum að reglum um styrktarlínur til umsagnar í atvinnu-, markaðs- og menningarmálanefnd.

Byggðarráð vísar vefstefnu Borgarbyggðar til umsagnar í atvinnu-, markaðs- og menningarmálanefnd.

Byggðarráð vísar samskiptastefnu Borgarbyggðar til umsagnar í atvinnu-, markaðs- og menningarmálanefnd.

Byggðarráð vísar vafrakökustefnu Borgarbyggðar til umsagnar í atvinnu-, markaðs- og menningarmálanefnd.

Byggðarráð þakkar fyrir framlagt erindi en telur ekki mögulegt að leggja fjármagn til framkvæmdarinnar að þessu sinni.

Nýverið stofnuðu ADHD samtökin útibú á Vesturlandi, þar sem ætlað er að standa fyrir námskeiðahaldi og reglulegum spjallfundum um ýmis málefni tengd ADHD. Markmið stofnunarinnar er að efla félagslegt net og samstarf fagfólks og einstaklinga með ADHD á Vesturlandi, vinna gegn fordómum og styðja við einstaklinga með ADHD og fjölskyldu þeirra. Samráð verður við fjölskyldusvið Borgarbyggðar vegna verkefnisins.

Byggðarráð fagnar stofnun útibúsins á Vesturlandi og samþykkir að veita útibúinu kr. 100.000,-.

Málstofan mun bera heitið „Matvælalandið Ísland ? loflagsmál og kolefnisspor“ og er atvinnusýningin ætlum öllum þeim er er veita atvinnu í sveitarfélaginu til að kynna starfsemi sína og verkefni fyrir gestum sýningarinnar.

Byggðarráð samþykkir að veita Rótarýklúbb Borgarness styrk með því að greiða leigu á menningarhúsinu Hjálmakletti á meðan viðburðinum stendur.

Lagt fram til kynningar.

Byggðarráð samþykkir framlagða umsókn. Ölvaldsstaðir 2 er lögbýli og hefur því rétt á tveimur ljósastaurum, umsækjandi uppfyllir þau skilyrði sem fram koma í reglum sveitarfélagsins um lýsingu við lögbýli. Byggðarráð felur sveitarstjóra að vinna málið í samvinnu við eiganda lögbýlisins.

Byggðarráð samþykkir framlagða umsókn. Bjargarás er íbúðarhús á lögbýli og hefur því rétt á einum ljósastaur, umsækjandi uppfyllir þau skilyrði sem fram koma í reglum sveitarfélagsins um lýsingu við lögbýli. Byggðarráð felur sveitarstjóra að vinna málið í samvinnu við eiganda Bjargaráss.

Lögð fram til kynningar.

Lagðar fram til kynningar.

Lögð fram til kynningar.

Lögð fram til kynningar.

Lögð fram til kynningar.