Byggðarráð Borgarbyggðar

Umræða um fjárhagsáætlun ársins 2022. Lögð eru fram drög að framkvæmdaáætlun vegna áranna 2022-2025, fjárhagsáætlun fyrir árið 2022 og þriggja ára áætlun áranna 2022-2025. Byggðarráð vísar fjárhagsáætlun, þriggja ára áætlun og framkvæmdaáætlun til síðari umræðu í sveitarstjórn.

Byggðarráð leggur til við sveitarstjórn að Borgarbyggð hækki hlutafé sitt í Vindási ehf. að fjárhæð 8,5 m.kr. á árinu 2021, sem samsvarar virðisaukaskattskvöð sem hvílir á reiðhöllinni Faxaborg í samræmi við eignarhlut Borgarbyggðar. Tillagan er með fyrirvara um að hluthafafundur Vindáss ehf. ákveði að hækka hlutafé félagsins um því sem samsvarar heildarvirðisaukaskattskvöð fasteignarinnar og að aukið hlutafé verði nýtt til að greiða upp virðisaukaskattskvöð félagsins. Enn fremur er tillagan lögð fram með fyrirvara um að Hestamannafélagið Borgfirðingur leggi fram tillögu um það með hvaða hætti félagið ætli að standa undir rekstri og viðhaldi reiðhallarinnar til frambúðar. Jafnframt skuli Hestamannafélagið Borgfirðingur skuldbinda sig til þess að láta slíta félagi núverandi leigutaka reiðhallarinnar, Seláss ehf. og bera kostnað af slitum félagsins. Þá er fyrirvari um að nýr leigutaki reiðhallarinnar Faxaborg verði Hestamannafélagið Borgfirðingur. Fyrirvararnir skulu uppfylltir á árinu 2021, til þess að Borgarbyggð taki þátt í hlutafjáraukningunni. Er málinu vísað til gerðar viðauka við fjárhagsáætlun 2022.

Á fundinn mætti sviðsstjóri fjármálasviðs og kynnti tillögu að viðauka við fjárhagsáætlun ársins 2021. Í tillögunni er gert ráð fyrir 25,3 millj kr auknum launakostnaði, 6,8 millj kr aukningu vegna breytinga í tölvumálum og 9,0 millj vegna vegna aukins kostnaðar við sorphirðu og sorpeyðingu. Þá er lagt til að sveitarfélagið auki hlutafé sitt í Reiðhöllinni Vindási ehf um 8,5 millj. Þessum útgjaldaauka er mætt með hækkun útsvarstekna um 50 millj kr en rauntölur sýna að það stefnir í að útsvar ársins verði hærra en áætlun gerir ráð fyrir.

Byggðarráð vísar framlögðum tillögum að gjaldskrám vegna ársins 2022 til sveitarstjórnar til staðfestingar.

Á 576. fundi byggðarráðs, sem haldinn var 21. október 2021, var lagt fram bréf framkvæmdastjóra Sambands íslenskra sveitarfélaga þar sem sett var fram viðmiðunarlaunatafla fyrir fulltrúa í sveitarstjórn, út frá þingfararkaupi og fjölda íbúa hvers sveitarfélags. Í bókun fundarins kom fram að launagreiðslur til kjörinna fulltrúa í Borgarbyggð væru undir viðmðunarlaunatöflunni. Á framangreindum fundi fól byggðarráð sveitarstjóra að taka saman upplýsingar um greiðslur til kjörinna fulltrúa í Borgarbyggð og leggja fram tillögur að breytingum á launasamsetningu fyrir sveitarstjórnarfulltrúa og nefndarmenn.

Sveitarstjóri fór yfir launagreiðslur til kjörinna fulltrúa í Borgarbyggð og bar saman við viðmiðunarlaunatöflu fyrir fulltrúa í sveitarstjórn. Samkvæmt upplýsingum frá Sambandi íslenskra sveitarfélaga eru fastar greiðslur viðmiðunarlauna til fulltrúa í sveitarstjórnum sveitarfélaga með 3.001-5.000 íbúa kr. 190.443-248.153,-, án alls álags vegna oddvitastöðu í sveitarstjórn eða setu í nefndum sveitarfélagsins. Samkvæmt núgildandi reglum um laun sveitarstjórnarfulltrúa í Borgarbyggð, fær sveitarstjórnarfulltrúi fasta greiðslu á mánuði að fjárhæð kr. 143.966,- með setu á sveitarstjórnarfundi.

Byggðarráðsfulltrúar eru sammála að endurskoða þurfi þær greiðslur sem fulltrúar í sveitarstjórnum, ráðum og nefndum á vegum sveitarfélagsins fá fyrir störfin, m.a. m.t.t. þeirra vinnu og tímafjölda sem gert er ráð fyrir að fulltrúar leggi í störf sín og til samræmis við fulltrúa í öðrum sveitarfélögum og viðmiðunarlaunatöflu. Sveitarstjóra er falið að vinna áfram að málinu og leggja fram tillögur um breytingar fyrir lok kjörtímabilsins.

Byggðarráð felur sveitarstjóra að undirrita framlagðan samning með fyrirvara um samþykki sveitarstjórnar. Sveitarstjóri upplýsir að formaður byggðarráðs og sviðsstjóri fjármálasviðs eiga fund síðar í dag með fulltrúa KPMG.

Byggðarráð Borgarbyggðar samþykkir að taka þátt í eftirtöldum rammasamningum við endurnýjun þeirra:
RK 03.01 Tölvubúnaður



RK. 04.01 Húsgögn



RK 12.01 Almennar byggingarvörur

RK 12.02 Ljósaperur og lýsingarbúnaður
RK 12.03 Gólfefni, þiljur og kerfisloft

RK 12.04 Hreinlætistæki og pípul.

RK 12.05 Málningar og múrvörur

RK 12.06 Rafvörur og raflagnaefni

RK 12.07 Byggingartimbur

Byggðarráð leggur til að sveitarfélagið taki þátt í nýjum rammasamningi um rekstur og hýsingu sem tekur gildi 1. apríl 2022. Fram til þess tíma fari núverandi þjónustuaðili með umsjón með tölvukerfum sveitarfélagsins.

Byggðarráð felur sveitarstjóra að bjóða út fullnaðarhönnun deildar Grunnskóla Borgarfjarðar að Kleppjárnsreykjum, í samvinnu við Ríkiskaup.

Byggðarráð hafnar beiðni um lán frá sveitarfélaginu til verksins, þar sem sveitarsjóður greiðir nú þegar um 1,5 milljón króna á ári vegna fjallskilasjóðsins og ekki liggja fyrir áætlanir um hvernig eigi að auka tekjur fjallskilasjóðsins.

Byggðarráð samþykkir framlagðar breytingar á siðareglum slökkviliðs Borgarbyggðar og vísar til staðfestingar sveitarstjórnar.

Lagt fram til kynningar.

Lagt fram til kynningar.

Lagt fram til kynningar.