Umhverfisnefnd
Umhverfisnefnd, fundur nr. 16
Dags : 04.10.2007
Umhverfisnefnd
16. fundargerð
Fundur var haldinn í umhverfisnefnd, fimmtudaginn 4. október 2007
kl. 8:30 í Ráðhúsi Borgarbyggðar, Borgarbraut 14, Borgarnesi.
Mætt voru:
Aðalmenn:
Björk Harðardóttir
Guðmundur Hallgrímsson
Guðmundur Skúli Halldórsson
Jenný Lind Egilsdóttir
Varamenn:
Sigurður Helgason
Umhverfis- og kynningarfulltrúi:
Björg Gunnarsdóttir
- Staðardagskrá 21
Umhverfis- og kynningarfulltrúi, Björg Gunnarsdóttir, gerir grein fyrir hvernig Sd21- vinnuskjalið hefur skilað sér frá nefndum sveitarfélagsins.
Vegna þess hvað heimtur hafa verið litlar frá nefndum sveitarfélagsins, þá er ljóst að íbúafundi sem vera átti í byrjun október verði frestað til loka október.
Umhverfis- og kynningarfulltrúa falið að senda skýrslu um stöðu mála til sveitarstjórnar.
- Vistvernd í verki
Framlögð tillaga frá formanni umhverfisnefndar,
Björk Harðardóttur, um að Borgarbyggð greiði bókargjald og þátttökugjald fyrir alla þátttakendur í umhverfisverkefninu
,,Vistvernd í verki”.
Samþykkt fyrir árið 2007 – 2008.
- Jólaskreytingar 2007
Nefndarmaðurinn, Guðmundur Skúli Halldórsson, kynnir hvernig til tókst með jólaskreytingar í sveitarfélaginu jólin 2006.
Nefndin óskar eftir að athugað verði hvort Orkuveitan geti komið að jólaskreytingum í Borgarbyggð.
Nefndin samþykkir þá tillögu Guðmundar Skúla að ekki verð sett upp tré við Grunnskóla Borgarness, Safnahús, Grunnskóla Borgarfjarðar Hvanneyri, Grunnskóla Borgarfjarðar Kleppjarnsreykjum og í Reykholti. Þessum stofnunum verður falið að sjá um jólaskreytingar hjá sér sjálfum. Umhverfis- og kynningarfulltrúa falið að skrifa bréf til þessara stofnana vegna þessa.
- Aukin jarðgerð í Borgarbyggð.
Lögð fram tillaga frá umhverfis- og kynningarfulltrúa.
Nefndin samþykkir tillöguna og vísar henni til gerðar fjárhagsáætlunar.
- Fjárhagsáætlun 2008.
Lögð fram tillaga að skiptingu tekna á málaflokka í fjárhagsáætlun 2008.
Nefnin fór yfir tillöguna og ákvað að koma saman að hálfum mánuði liðnum.
- Önnur mál.
Fundi slitið 10:30