Sérstakur styrkur til íþrótta- og tómstundastarfs. Upplýsingar og leiðbeiningar
Ríkisstjórn Íslands samþykkti fyrr á árinu sérstakan íþrótta- og tómstundastyrk. Styrknum er ætlað að auka jöfnuð til íþrótta- og tómstundastarfs vegna áhrifa Covid-19 faraldursins.
Félagsmálaráðuneytið hefur falið hverju sveitarfélagi að deila út styrknum til þeirra sem sækja um og falla undir viðmiðin. Styrkurinn er greiddur vegna útlagðs kostnaðar við íþrótta- og tómstundastarf á skólaárinu 2020-2021, allt að 45.000 kr. á hvert barn.
Styrkurinn er vegna barna sem fædd eru 2005 - 2014 og eiga lögheimili á heimili þar sem heildartekjur framfærenda, einstaklings, hjóna eða sambúðarfólks, voru að meðaltali lægri en 740.000 kr. á mánuði á tímabilinu mars til júlí 2020.
Miðað er við að íþrótta- og tómstundastarf fari fram á skólaárinu 2020–2021.
- Ekkert lágmarkstímabil iðkunnar (t.d. falla leikjanámskeið og sumarbúðir undir skilyrði).
- Hægt er að nýta styrkinn til að greiða keppnisgjald/mótsgjald.
Umsóknarfrestur framlengdur til 31. júlí 2021.
Upplýsingar um íþrótta- og tómstundastarf í Borgarbyggð má finna hér.
Kanna rétt á styrk
- Smella á hlekkinn hér að neðan til að kanna rétt á styrk á island.is
Íslenska
Enska / pólska - Þeir sem falla ekki undir tekjuviðmiðin fá útskýringar og komast ekki lengra í ferlinu
Umsókn til Borgarbyggðar
- Þeir sem eiga rétt á styrk flytjast sjálfkrafa inn á umsóknarsíðu þar sem setja þarf inn helstu upplýsingar og hengja við afrit af kvittunum sem staðfesta skráningu og greiðslu (eða greiðslufyrirkomulag) vegna íþrótta- og tómstundastarfs barnsins
- Ef umsækjandi á ekki kvittun þarf að hafa samband við íþrótta- og/eða tómstundafélag og fá sent afrit
- Ef umsækjandi skráði barnið sitt í gegnum skráningarkerfið Nóra er hægt að sækja rafræna kvittun í Nóra
- Umsækjandi fær staðfestingu á tölvupósti og umsóknin fer til úrvinnslu hjá Borgarbyggð
- Umsækjandi fær sendan tölvupóst innan 5 daga um hvort umsóknin sé samþykkt, henni hafnað eða gögn vanti og gefst þá tækifæri til að senda inn ný gögn í gegnum umsóknarsíðuna
- Sé umsókn samþykkt greiðir Borgarbyggð inn á reikning umsækjanda sem gefinn var upp í umsókn
Reglur Borgarbyggðar um sérstakan íþrótta og tómstundastyrk vegna Covid-19