Fara í efni
9. mar 2022
Egilsholt 4 - Auglýsing um niðurstöðu sveitarstjórnar Borgarbyggðar vegna skipulags
Sveitarstjórn Borgarbyggðar samþykkti þann 9. desember 2021 eftirfarandi tillögu samkvæmt 41. gr. skipulagslaga nr. 123/2010:
Breyting á deiliskipulagi Bjargslandi II í Borgarnesi

Breytingin tekur til lóðar við Egilsholt 4 og felst í því að byggingarreitur er stækkaður og færður til innan lóðarinnar, bílastæði sett meðfram Hrafnakletti, vegtengingu bætt við frá austurhlið lóðarinnar og bílastæðum fjölgað úr 31 í 52 stæði. Heildargrunnflötur atvinnuhúss stækkaður úr 600 fm í 1.024 fm og nýtingarhlutfall hækkað úr 0,18 í 0,31. Aðrir skilmálar haldast óbreyttir. 

Tillaga að deiliskipulagi var auglýst frá 20.12.2021-01.02.2022.

Engar athugasemdir bárust frá umsagnaraðilum.

Deiliskipulagstillagan hefur verið send Skipulagsstofnun og mun taka gildi með auglýsingu í B-deild Stjórnartíðinda.

Þeir sem óska nánari upplýsinga um tillöguna og niðurstöðu sveitarstjórnar geta snúið sér til skipulags- og byggingardeildar Borgarbyggðar, Bjarnarbraut 8, Borgarnesi.

Nánari upplýsingar má nálgast á heimasíðu Borgarbyggðar á www.borgarbyggd.is

Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála.

Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.

Deiliskipulag