Eftir langa og góða þjónustu er kominn tími til að fjarlægja vatnsrennibrautirnar við Sundlaugina í Borgarnesi, en framkvæmdir hefjast í dag.
Um er að ræða endurnýjun en nýjar og glæsilegar vatnsrennibrautir verða settar upp á næstu vikum. Gert er ráð fyrir að uppsetning nýju rennibrautanna hefjist í byrjun júní og að þær verði teknar formlega í notkun um miðjan júní, ef framkvæmdir ganga samkvæmt áætlun.
Á meðan framkvæmdum stendur getur tímabundið rask orðið á svæðinu við rennibrautirnar og eru gestir beðnir um að sýna aðgát og virða merkingar á framkvæmdasvæðinu.
Starfsfólk þakkar gestum fyrir sýndan skilning á meðan framkvæmdir standa yfir.
Tengdar fréttir
Stjórnendur Borgarbyggðar efla færni í viðverustjórnun og leiðtogahlutverki
Sem liður í áframhaldandi þróun leiðtogafærni og markvissari viðverustjórnun hjá Borgarbyggð taka allir stjórnendur sveitarfélagsins þátt í vinnustofu undir leiðsögn Helenu Jónsdóttur, klínískum sálfræðingi og sérfræðingi hjá Mental ráðgjöf. Áhersla vinnustofunnar er meðal annars á samræmdan stjórnendatakt, innleiða regluleg innlit, viðverustjórnun og eftirfylgni. Helena fjallar um hvernig styðja megi starfsfólk við farsæla endurkomu til starfa eftir langvarandi fjarveru og hvernig …
Ungmennaþing Vesturlands haldið í Borgarnesi 25.–27. september
Ungmennaþing Vesturlands verður haldið á Hótel Borgarnesi helgina 25.–27. september 2026. Þingið er samstarfsverkefni sveitarfélaga á Vesturlandi, Ungmennaráðs Vesturlands og Samtaka sveitarfélaga á Vesturlandi (SSV) og er fjármagnað af Sóknaráætlun Vesturlands. Markmið þingsins er að skapa vettvang þar sem ungt fólk af öllu Vesturlandi getur komið saman, kynnst öðrum ungmennum og tekið þátt í samtali um málefni sem snerta ungt …