Borgarbyggð, í samstarfi við Veitur og RARIK, hófu í dag framkvæmdir í Bröttugötu. Þar sem lagnir hitaveitu, vatnsveitu, fráveitu og rafveitu verða endurnýjaðar ásamt öllu yfirborði götu og gangstétta.
Unnið verður á milli Gunnlaugsgötu og Egilsgötu og er gert ráð fyrir að framkvæmdum ljúki 30. október nk.
Hjáleiðir verða settar upp þar sem það á við, en ljóst er að bílar munu ekki komast að öllum húsum allan tímann. Aðgengi gangandi og hjólandi vegfarenda verður tryggt eins og kostur er á framkvæmdatíma.
Áhersla er lögð á öryggi vegfarenda og starfsfólks og er mikilvægt að láta vita ef öryggi við vinnusvæðið er ábótavant.
Með framkvæmdunum er ráðist í endurnýjun mikilvægra innviða til hagsbóta fyrir íbúa og samfélagið í heild. Við þökkum íbúum og öðrum vegfarendum fyrir sýnda þolinmæði meðan á framkvæmdum stendur.
Brattagata í Borgarnesi
Tengdar fréttir
Barnapakki Borgarbyggðar og Öldunnar
Kæru foreldrar/forráðafólk nýfæddra barna Barnapakki Borgarbyggðar og Öldunnar er lítið framlag sveitarfélagsins og samstarfsaðila til að létta undir með ykkur á þessum tímamótum. Barnapakkanum fylgja hamingjuóskir og vonir um bjarta framtíð. Eftirtaldir aðilar hafa tekið höndum saman um Barnapakka Borgarbyggðar en hann gildir sem 10.000 kr. inneign hjá eftirtöldum þjónustuaðilum: Kaupfélag Borgfirðinga Hár center Fok Hársnyrting Dagnýjar Bara Bistro Gunnhildur …
Menningarsjóður Borgarbyggðar auglýsir eftir umsóknum
Menningarsjóður Borgarbyggðar auglýsir nú eftir umsóknum um styrki. Markmið sjóðsins er að efla og styðja við menningarlíf í Borgarbyggð, með sérstakri áherslu á grasrót og frumkvæði í menningu. Með umsókn skal fylgja greinargerð um verkefnið ásamt sundurliðaðri kostnaðaráætlun. Styrkþegar úr fyrri úthlutunum eru minntir á að skila inn skýrslu um framgang og lok verkefna áður en sótt er um á …