Íbúafundir um þjónustustefnu Borgarbyggðar 2027
Borgarbyggð býður íbúum til íbúafunda um þjónustustefnu sveitarfélagsins fyrir árið 2027. Þar gefst íbúum tækifæri til að kynna sér stefnuna, ræða áherslur hennar og koma sjónarmiðum sínum á framfæri.
Hvað er þjónustustefna?
Þjónustustefna er stefna sveitarfélagsins um þá þjónustu sem það hyggst veita í öllum byggðarlögum þess, einkum utan stærstu þéttbýliskjarna. Í henni kemur fram hvaða þjónustu íbúar mega vænta og hvernig leitast verður við að tryggja aðgengi, jafnræði og faglega þjónustu í öllu sveitarfélaginu.
Þjónustustefna Borgarbyggðar 2027 tekur til fjölbreyttra málaflokka, meðal annars fræðslu, félagsþjónustu, íþrótta- og tómstundastarfs, samgangna, umhverfis- og skipulagsmála, öryggismála og stjórnsýslu. Stefnan greinir á milli lögskyldra verkefna, lögheimilla verkefna og valkvæðra verkefna. Hún er unnin samhliða fjárhagsáætlun og endurskoðuð árlega að lágmarki.
Íbúasamráð er mikilvægur hluti af mótun og þróun þjónustunnar. Markmiðið er að þjónustan taki mið af þörfum íbúa og staðbundnum aðstæðum í Borgarbyggð.
Dagskrá íbúafunda
Mánudaginn 2. nóvember
- Grunnskóli Borgarfjarðar, Hvanneyri — kl. 17.00
- Grunnskóli Borgarfjarðar, Kleppjárnsreykjum — kl. 20.00
Þriðjudaginn 3. nóvember
- Félagsheimilið Þinghamar, Varmalandi — kl. 20.00
Miðvikudaginn 4. nóvember
- Grunnskólinn í Borgarnesi — kl. 17.00
- Lindartunga — kl. 20.00
Fundirnir eru öllum opnir og eru íbúar hvattir til að mæta og taka þátt í samtalinu um framtíð þjónustunnar í Borgarbyggð.
Nánari upplýsingar
Þjónustustefna Borgarbyggðar 2026 er aðgengileg hér:
Tengdar fréttir
Almennur íbúafundur á Bifröst
Vertu með og hafðu áhrif Almennur íbúafundur á Bifröst Borgarbyggð boðar til opins íbúafundar um mótun nýrrar þjónustustefnu sveitarfélagsins. Markmið fundarins er að gefa íbúum tækifæri til að koma sjónarmiðum sínum og hugmyndum á framfæri um þjónustu Borgarbyggðar. Mikilvægt er að rödd íbúa heyrist við mótun framtíðarsýnar og þróun þjónustu sveitarfélagsins. Mánudaginn 9. nóvember Kl. 17:30 NEMÓ (gamla Kaffi Bifröst),á …
Fulltrúar Ungmennaráðs Borgarbyggðar tóku þátt í Áhrifadögum ungmenna
Fulltrúar Ungmennaráðs Borgarbyggðar tóku þátt í Áhrifadögum ungmenna Þrír fulltrúar Ungmennaráðs Borgarbyggðar tóku þátt í Áhrifadögum ungmenna sem haldnir voru í Hofi á Akureyri dagana 28.–29. október. Fulltrúarnir voru Ólöf Sesselja Kristófersdóttir, Hrafnhildur Ósk Orradóttir og Ísak Daði Eðvarsson. Áhrifadagar ungmenna voru haldnir í tilefni af tíu ára afmæli verkefnisins Barnvæn sveitarfélög, sem UNICEF á Íslandi hefur unnið …